1 KORINT 5:13 - AMÜSÜH HÜM CL Bible (BSI)

¹³ Aleangkheakrü Thrünpuhnü thiyukhapbah. “Nüsa bolungnü mihbukmuyuk mihtsürü yankhita bahang.”

1 KORINT 5:13 Iomraidhean Croise

MUNGSHIKHÜN 50:6

Yinmibonü api thiyuro-lungki khipkhitchoh, tümüde Thrünpuh ju mahkhaprü ah.

T H S AN GYU T H S AN GR ARÜ 9:18

Lümlung ju thirithsü thsühnuk kheaknü atsübe, tüshe amütsü rhimorü khülangnü kukruk ahihdo thsümünimchoh.

MATHI 18:17

Apinü arü yu manisho, borü ki thaang; tüsho apinü borü yu she manisho nüsanü api ju amükinrü yungsho ruk-threrü nangde khejang.

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

ROMRÜ KILIM PAULNÜ ATHRÜTKHI KIHÜM HUHTANYU 2:16

Ha I yo thiyusheak-atsü yande Thrünpuhnü Jisu Khrista hode mihtsürü lümkhibo mahkhap nimung dünjibah.

1 KORINT 5:1

Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

1 KORINT 5:2

Tüsho nüsa kükheanglah. Nüsanü ju müthri tüzhobe yung de? Nüsa bolung shepünü ha rhimokheanü yihkhita bahang.

1 KORINT 5:5

ha mihtsürü Arimri kilim jihang, junangde pang ju athsümünimbah tüsho Atungpuh nimung ching api me khümkhitbah.

1 KORINT 5:7

Nüsa yikhap aso kampü thsüde phaüm awün yihkhita bahang, tümütüsho atsütsü inü mükheahkhi nangde nüsa phaüm muyukkhi yikhap nangde alabah. Tümüde isa phungho-thünio namfimihnunu Khrista laksah-a kingaündo.

YUZÜNGTHALO 13:5

Tüshe wukihrü yungsho milim müchitrü ju asheshihbah, tümütüsho apinü Atungpuh nüsa Thrünpuh shepünü nüsa Ijip chingnü bekhit tüsho azhorü yamkhün chingnü rhokhitkhea, apinü thiyukhüm jihkhi limro chingnü tüsho api kheaknü chamkhide atsoshihpü nüsa ki thado. Junangde nüsanü amütsü rhimo nüsa bolungnü yihkhita bahang.

YUZÜNGTHALO 17:12

Khürünü mahkhaprü yungsho Atungpuh nüsa Thrünpuh tankihrü amükeamrü ki mihyumanide azhihsho api asheshihbah; hanangde nüsanü amütsürü Israel chingnü yihkhita bahang.

YUZÜNGTHALO 17:7

Api sheshihpü thsungkheaknü thiyumütsan jihrünü akhuh khah chungbah, tüsho jushu mihtsürübonü khah chungbah. Junangde nüsanü amütsü mihtsürü nüsa lungnü yihkhita bahbeah.

YUZÜNGTHALO 21:21

Judüki kiuto ching lakhi mihtsürü alalanü api lungnü arusahbah; junangde nüsanü amütsürü nüsa bolungnü yihkhita bahang, tüsho Israelrü alalanü sobah atrebah.

YUZÜNGTHALO 22:24

nüsanü ane chido kiuto chipimurung ching bede akhiukbah, tüsho ane lungnü rusahang, anünübenü arungkhishihpü kiuto ching müzhi, tüsho athrüpünü püpürü niuberü thsümünimdo; hanangde nüsanü amütsü mihtsürü nüsa bolungnü yihkhita bahang.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,

MAHKHAPRÜ 20:13

Kheakü Gibea ching mihbukmuyuk mihtsürübo jihang, junangde isanü arübo asheshihbah tüsho Israel chingnü amütsü rhimo yihkhita bahbah.” Tüshe Benjamin mihtsürübonü arü keoniorü Israelrü yu mani.