1 KORINT 5:1 - AMÜSÜH HÜM CL Bible (BSI)

¹ Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

1 KORINT 5:1 Iomraidhean Croise

THRÜNTAN 35:22

Tüsho küyimki ju lomi ching Israel lakheanü, Reubennü abuh hanniube Bilha kilim yü tüsho müyam; tüsho ju dünkheak Israelnü so. Jakob tsührü 12 lakheah:

THRÜNTAN 37:2

Ha Jakob yamkhün yukhean. Josep kam 17 azorü lachoki abuh hanniuberü Bilha tüsho Zilpa tsührübo akhiung pürü lung namfimihnubo neakde alakheah. Apinü akhiung pürünü arhimokhi amütsü yusheak arü abuh kilim lude arü.

THRÜNTAN 49:4

Nü a düchi nangde lah, tüshe khide adungto mükam, tümüde nünü I hanniube lung müyam tüsho nü buh yapkiu wüntre müjih. @SPACE=

2 SAMUEL 16:22

Jumonü arünü Absalom khilim thüyam kumung khimyam thsüjih; tüsho Absalomnü yübah Israel alala mikinü abuh hanniubebo kheak nung.

2 SAMUEL 20:3

Davidnü Jirusalem ching api yam lim arü; tüsho kiulongthsüpuhnü thüyam kümpü lashihkhi hanniube 10 lu, tüsho arübo thüyam ching aheangshih, tüsho apinü arü kheak munung. Jumonü arübo ashe khiungde khimoberü nangde rihdoa la.

1 KIUTHSÜYUKHEAN 5:1

Jakob tsührü adüjibuh Reuben tsührübo. (Api adüjibuh lakheah, tüshe apinü abuh yapkiu müneanjihkhi hode anihbuh azopü yamrüplurüp ju Jakob tsührü Josep tsührübo kilim jih, junangde tsühsoniuso yukhean ching azopü yamrüplurüp ayannü api müthrütyuk;

JEREMIA 2:33

Nünü nü müyamrü dunglim müshampü dükde mükheahlah! Amütsü liberü she nü kheahkhichoh.

EZEKIEL 16:47

Nünü arü limrobo ching lang atsahkhi yung tüsho arü athraneanbe rhimobo lang akheahkhikhi yung, tüshe nü limrobo alala ching nahde arü kheaknü nü amütsübe kam.

EZEKIEL 22:10

Khürünü nihbuh abuh niube ki yapchoh. Khürünü khinu shihcham yükhi liberü thsümünimchoh.

LEVI 18:8

Nü buh niube kheak müzammüram düthsü; junü nü buh mungchih ngüshihbah.

LEVI 20:11

Athrürü shepünü nihbuh abuh niube kheak nungbanü abuh mungchih ngüshihchoh; athrüpü tüsho alibe ane chido dükde asheshihbah. Ane thiyih ju ane kheak kihbah.

AMOS 2:7

arünü zhochihrü ku asungthulung ching juyuk, tüsho juyuka larü limro chingnü nimkhita bah; abuh tüsho tsührünü rukhüh aliberü ahorichoh, junangde I mung amüsüh müneanjih;

YUNIRÜBO RHIMO 15:20

ju müthri isanü arü ki sangthsübo kilim kingaünkhi amümüsüh mütsühpü, müzammüram müyihbeakpü, tüsho athünitsahkhi shiwüh yungsho thiyih mütsühpü thrütbeah.

YUNIRÜBO RHIMO 15:29

junangde nüsanü sangthsü kingaünkhi, thiyih, athünitsahkhi, tüsho müzammüram chingnü akümkangbah. Nüsanü harü chingnü tsokhide lasho tsüde arhimobah, tsüde laang.”

1 KORINT 1:11

Tümüde I keoniorübo, nüsa bolung rukachihkhi lah de Kloe yamkhün mihtsürünü I ki thiyusheak jihdo.

1 KORINT 5:11

Tüshe inü nüsa kilim thrütkhi ju a keoniorü shepü müzammüram, yihnelune, sangthsü kingaün, mülapmüji, müshangmuru, yungsho jangkhijangra amülim lanü darihako. Hadürü lung a ayimtsüh she düyimtsüh.

1 KORINT 6:13

“Tsühyungbe ju buk thsungkheak tüsho buk ju tsühyungbe thsungkheak”–tüshe Thrünpuhnü ane chido dükheakshihbah. Pang ju müzammüram thsungkheak adungto yung, tüshe Atungpuh thsungkheak, tüsho Atungpuh ju pang thsungkheak.

1 KORINT 6:18

Müzammüram mükihkhiang. Mihtsürünü ayihbeakkhi neak püpü a pang aleanglim ah; tüshe müzammüram mihtsürünü nihbuh pang azhihde neak thsüchoh.

1 KORINT 6:9

Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram,

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

2 KORINT 2:5

Tüshe khürünü khülang khüh mulong tukthsüshih-a lasho, nüsa alala mulong tukthsüshihkhi nangde I ki a yung le api kheak khide dümüküp.

2 KORINT 7:12

Jumonü inü nüsa kilim thrüta lalashe, ju amülim rhimobuh yungsho amülim hode thsünübuh dünkheak yung, tüshe nüsanü isa lümrhihkhi ju Thrünpuh miki akhiukpü ah.

GALATIA 5:19

Kheakü shih rhimo mütsande lah: müzammüram, mümüsühkhi, yüliyürakhi,

EFISIA 5:3

Tüshe nüsa bolung müzammüram tüsho mümüsühkhi alala yungsho yihnelune athashe müthabeah, tümütüsho amüsührü bolung ju maye.

YUZÜNGTHALO 22:30

“Tüsho athrürü khülangnü abuh niube mulu, yungsho abuh niube kheak müzammüram müthsü.

YUZÜNGTHALO 27:20

“‘Shepünü nihbuh abuh niuberü kheak müzammürambanü api muthrumünean thsang.’ Tüsho mihtsürü alalanü athabah, “Amen!”

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

1 TESALONIKA 4:7

Tümüde Thrünpuhnü mümüsühde alapü yungde amüsüh ching lapü isa jikheah.

AMIKHEAKAKHIUKKHI 2:21

Inü alibe mulong müthripü kim jih, tüshe anihbenü müzammüram chingnü mulong müthripü mükün.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

1 SAMUEL 2:24

Yung, I tsührübo; Atungpuh mihtsürü bolung bekhi inü asokhi ha thiyusheak atsü yung.