1 KORINT 4:9 - AMÜSÜH HÜM CL Bible (BSI)

⁹ Tümüde mihtsürü sheshihkhi nangde akheam thsüde Thrünpuhnü isa amüsüh-thsangyurü ah de huhdo dükhi inü lümlah; tümütüsho isa ju alomi, yunirü tüsho mihtsürübo ki mükkheahdung kamdo.

1 KORINT 4:9 Iomraidhean Croise

MUNGSHIKHÜN 44:22

Tütüshe nü dünkheaknü isa nimung amuyung laksahdo; isa alaksahpü namfimihnunu nangde lado.

MUNGSHIKHÜN 71:7

I a ahihdo ki amütsan khülang kam, tüshe nü I tsoyukpung amüküp ah.

JEREMIA 20:18

Küpkhuk tüsho mulong rozhak kheahpü tüsho I nimungbo achihpü ching kheampü tümü thsüpü I nuyam chingnü arükhea?

YUNIRÜBO RHIMO 19:29

Jumonü kiuto ju ayingyingnü mide kam; tüsho arünü khiunglün-yam ching nanachihde yüzahbah Paul lung tsahkhi Macedoniarü Gaia tüsho Aristarka arü lungnü yankhit.

YUNIRÜBO RHIMO 19:31

Api müyamrü lomi torübo khürünü khiunglün-yam ching anihbuh muhuhpü mushude thiyusheak mühah.

ROMRÜ KILIM PAULNÜ ATHRÜTKHI KIHÜM HUHTANYU 8:36

Ha thrüta lah, “Nü dünkheaknü isa nimung amuyung laksah; isa ju alaksahpü lakhi namfimihnunu nangde khejih.”

1 KORINT 15:19

Isanü ha rhangdung thsungkheak lang Khrista kheak mulonglam lakhülaa, mihtsürü alala kheaknü amuzhobe kuhi thsübah.

2 KORINT 11:23

Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

2 KORINT 6:9

mümükheahde la, tüshe tsüde mükheahabah; shede la, tüsho kheahang isa arhang lah; thsümüchia la, tüshe mülaksah;

1 TESALONIKA 3:3

junangde sheshe harü thsünübo hode matrütshih. Ha isa shihcham labeah de nüsa küdah thsüde mükheahlah.

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

IBRI 10:33

Kim khürü ching a nüsa ju boto mikinü mükhemükim tüsho thsümüchi; kim khürü ching a jude arhimorü lung atruachih.

IBRI 11:36

Püpübo kheah-a münejih tüsho rhap, tüsho rihyam ching rhüka yukde thsünü.