1 KORINT 4:14 - AMÜSÜH HÜM CL Bible (BSI)

¹⁴ Inü ha nüsa achih ngüshihpü yung, tüshe inü muzhokhi tsührübo nangde nüsa ki thsangdanpü thrütchoh.

1 KORINT 4:14 Iomraidhean Croise

EZEKIEL 3:21

Tüshe nünü thiyuro-lungki mihtsürü ki neak müyihbeakshihpü düh de thabah apinü neak müyihbeaksho, tsükjide api arhang labah tümütüsho apinü dühdükhi ludo, tüsho nü khümkhita labah.”

YUNIRÜBO RHIMO 20:31

Jumonü kurhangang tüsho chike bukde, animung tüsho are kam mahsam nüsa mihbüm aban thsangyukhi lümkhitang.

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

1 KORINT 4:15

Tümüde Khrista ching nüsa aheangrü mükhebinkhi lalashe, nüsa abuh hihde müla. Tümütüsho thiyusheak-atsü hode Jisu Khrista ching I nüsa abuh kamdo.

1 KORINT 4:17

Jumonü inü nüsa kilim Atungpuh ki thiyuro lakhi, inü muzhokhi I tsührü Timothi nüsa kilim thiyichoh. Alala ching borü aban inü thsangyukhi ayede, Jisu Khrista ching I limro apinü nüsa ki lümkhitloshihbah,

1 KORINT 6:5

Inü ha nüsa achihbe thachoh. Keoniorü bolung zanzhakpü thsüde nüsa bolung lümlung lakhi mihtsürü müla de?

1 KORINT 9:15

Tüshe inü harü alimbo mahori, yungsho hadürü ngüpü inü müthrüt. Khürünü kükheangde junoshihpü dün a I ashekhi atsübe labah.

2 KORINT 11:11

Inü nüsa mümuzhomonü ha thacho de? Inü muzholah de Thrünpuhnü mükheahlah!

2 KORINT 12:19

Isanü nüsa ki isa dün chilode arükheah de nüsanü lümde alakhea de? Khrista ching larü nangde isanü Thrünpuh miki asukde alakheah; tüsho amuzho müyamrübo, isanü arhimokhi alala nüsa düküngpü thsungkheak ah.

2 KORINT 7:3

Inü ha nüsa bahyukde mütha, tümüde inü akhuhlim, rukhüh shepü tüsho rukhüh lapü nüsa ju isa mulong ching lah de thado.

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

1 TESALONIKA 2:11

tümüde buhrünü tsührübo ki nangde isanü nüsa aban ki thsangdankhi nüsanü mükheahlah.

1 TESALONIKA 5:14

Keoniorübo, yomuhyothsünrü athsunganahpü, mulong ninirü yanmusupü, reangmüzahrü rungpü, arü alala kheak arümkheampü isanü nüsa ki tuthsukchoh.

2 TESALONIKA 3:14

Isanü ha kihüm ching thakhi anipü khürünü reanglosho, ju mihtsürü kheahyukang tüsho api achih ngüshihpü thsüde api ki tümü düthsü.

PHILEMON 1:10

I rihyam ching lachoki I tsührü kamkhi Onesima dünkheak inü nü ki mushuchoh.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;

3 JOHAN 1:4

I tsührübonü thiyuro ching tsahkhi sokhi kheak hode asühpü atobe müla.