1 KORINT 3:5 - AMÜSÜH HÜM CL Bible (BSI)

⁵ Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah.

1 KORINT 3:5 Iomraidhean Croise

MATHI 25:15

Tüsho apinü mihbüm aban akukkhi thülün khülang kilim suna shonak 5000 jih, püpü kilim 2000 jih, tüsho püpü khülang kilim 1000 jih; tüsho apinü hantsah yü.

LUKNÜ ATHRÜTKHI THIYUSHEAK-ATSÜ HUHTANYU 1:2

Atankih chingnü harü ngübah isa ki ha yusheak zhiyukrünü ju thrüt.

JOHAN 3:27

Johannü alo, “Yinmi chingnü api ki müjih-a lasho mihtsürünü tümü leangkhikhukpü.”

YUNIRÜBO RHIMO 18:24

Kheakü Alexandria chingnü asürükhi Jihudarü amung Apollo ju Efisia ching arü. Api thiyu thasorü tüsho amüsühyu tsüde mükheahde alakheah.

YUNIRÜBO RHIMO 19:1

Küyimki Apollo Korint ching lakhea, Paulnü akulim lomi hode Efisia ching arü. Ju ching apinü jingyanrü khürü ngü.

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

1 KORINT 12:28

Tüsho Thrünpuhnü borü ching akhuhde amüsüh-thsangyurübo moyuk, mahnepü wukihrübo, mahsampü thsangyurübo, jushu khinthiyinbe rhimorü, jushu athsüngurü, arungachihrü, kiuthsürü, thiyutha aphuaphu ching tharübo.

1 KORINT 16:12

Isa keoniorü Apollo ju, keoniorü püpürü bebah nüsa rhuakheahpü inü api ki khide tuthsukdo, tüshe kheakü arüpü apinü müküntsan; tütüshe kim tsüchoki api arübah.

1 KORINT 3:10

Thrünpuh amüthsüm I kilim jihkhi ayannü, athsüsorü khülang nangde inü khimtan thsü, tüsho püpürü mihtsürünü ju kheak thsükihchoh. Mihtsürü abannü künangde apinü ju kheak thsükihchonü kümkangang.

1 KORINT 3:22

Paul, Apollo, Kephas, alomi, rhangdung, ashepü, kheakü yungsho arübe thsüthsü alala nüsa yo ah;

1 KORINT 3:7

Jumonü shepünü khimcho yungsho shepünü ke duhchonü tümü she yung, tüshe atoshihbuh ju Thrünpuh ah.

1 KORINT 9:17

Tümüde inü ha akeangnü rhimosho, I thsambah khülang lah; tüshe akeangnü yungsho, I a le athiyikhi rhimo lang rhimochoh.

2 KORINT 11:23

Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

2 KORINT 3:3

tüsho nüsa ju isanü tankihkhi chingnü, dokenü yungde arhang Thrünpuh Menü, lungbeakbo kheak yungde mihtsürü mulongbo kheak thrütkhi Khrista kilimnü kihüm ah de nüsanü huhchoh.

2 KORINT 3:6

Apinü isa ju yakzan thrütkhi yo yungde Me ching tangzüng aso tankihrü thsüpü thülünde kamshih; tümüde yakzan thrütkhinü laksahchoh, tüshe Menü rhangdung jihchoh.

2 KORINT 4:1

Jumonü Thrünpuh mihmüthsüm hode ha tankihpü lakhinü, isa mulong müninichoh.

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

2 KORINT 4:7

Tüshe ato wu ju isa yungde Thrünpuh yo ah de ahuhpü ha rahpung alo phüh ching lah.

2 KORINT 5:18

Ha alala Khrista hode isa api lung tsüarihkhi tüsho tsüarihkhi tankih rhimo isa kilim jihbuh Thrünpuh kilimnü lah;

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

2 KORINT 6:4

tüshe Thrünpuh tankihrü thsükhinü limro aban ching isa küdahnü tsülah de lümchoh: arümkheam ato hode, thsünü ching, küpkhukbo, thsümütsübo,

EFISIA 3:7

Api wu rhimokhinü I kilim jihkhi Thrünpuh amüthsüm thsambah yande I ha thiyusheak-atsü tankihrü kamshih.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 1:25

Tüsho nüsa tsüpü thsungkheak ha rhimo I kilim jihbuh Thrünpuhnü I borü tankihrü kamshih. Ha suhdahde api yusheak zhiyukpü rhimo,

1 TIMOTHI 1:12

Ha thsungkheak I kilim sühmüh jihbuh isa Atungpuh Jisu Khrista kilim inü makshe jihchoh, tümütüsho ha tankihpü ching I yüzahshihde apinü I thiyuro lakhi khejih.

1 PETER 4:10

Mihbüm abannü, Thrünpuh thsambah aphuaphu kümsorü thsüde, apinü Thrünpuh kilimnü aleangkhikhi ju püpürü tsüpü thsungkheak ahoribeah.