1 KORINT 3:17 - AMÜSÜH HÜM CL Bible (BSI)

¹⁷ Khürünü Thrünpuh arüngyam thsümünimsho, Thrünpuhnü api thsümünimbah. Tümüde Thrünpuh arüngyam amüsüh, tüsho ju arüngyam nüsa ah.

1 KORINT 3:17 Iomraidhean Croise

THRÜNTAN 28:17

Api trede alakheah tüsho tha, “Küdükhüh ha dangpung atrebe la! Ha Thrünpuh yam thsüa lah; ha yinmi ripit ah!”

1 KIUTHSÜYUKHEAN 29:3

Ju lang yung, ju kheak khiode amüsüh yam thsungkheak inü I Thrünpuh yam thsungkheak shuhmülanga jihmonü, I yo suna tüsho shotoyinchi rahpung jih:

MUNGSHIKHÜN 74:3

Akheam müla thsümünimpü nü jing shuhkihang. Thiririnü arüngakopung ching lüpdükhi thsümünimdo.

MUNGSHIKHÜN 79:1

O Thrünpuh, trükshihbo nü yamrüplurüp ching azahdo; arünü nü amüsüh arüngyam thsümünimdo; arünü Jirusalem thsümünima mujungshihlah.

MUNGSHIKHÜN 93:5

Nü yakzanbo akheam müla, O Atungpuh , tüsho nü arüngyam amüsüh lah, lünnü akheam müla.

MUNGSHIKHÜN 99:9

Atungpuh isa Thrünpuh shuhkihang, tüsho api amüsüh wung kheak kingaünang; tümüde Atungpuh isa Thrünpuh ju amüsüh ah.

ABEKHIT 3:5

Thrünpuhnü tha, “Ha dangpung thüninde darü; nü jingkhümpü yihkhitang, tümütüsho nü zhipkhi dangpung ju amüsüh lo ah.”

ISAIA 64:11

Isa yo amüsüh tüsho akheahakham arüngyam, küpü ching isa jipürünü nü mung shikhea, ju monü takabahdo, tüsho isa lopung atsübo athsümünimkhibo kamdo.

EZEKIEL 43:12

Ha arüngyam yakzan ah. Müzüng mujuk kheak lomi athrünkhi mükamphülapde khide amüsüh labah. Ha arüngyam yakzan ah.

EZEKIEL 5:11

Jumonü Wuto Atungpuhnü thachoh, I arhang lah, tümütüsho nünü athraneanbe kukrukbo alalanü I yo arüngyam müneanshihdo, inü I küdah thsüde amuzho lulobah; inü nü kheak muzhode mükheah yungsho nü maningshih.

EZEKIEL 7:22

Inü arü kheaknü I miro rholode atsobah, tüsho arünü I rahpung zopung müneanjihbah; jangkhijangrarünü ju ching yüzahbah tüsho ju müneanjihbah.

LEVI 15:31

Hanangde nünü Israel mihtsürübo arü mümüsühkhi chingnü chamkhijihbeah, jude yungsho arü bolung lakhi I yo arüngyam thsümünimkhi hode arü münean chingnü ashebah.

LEVI 20:3

Khürünü nihbuh tsührü Molek kilim jihde I yo amüsüh arüngyam müneansho tüsho I mung amüsüh achih kipsho, inü api azhihde awusubah tüsho api I mihtsürü bolungnü khekhita bahbah.

ZEPHANIA 3:4

Wukihrübo mükümkangkhi, müthülünkhi mihtsürübo lah; amükeamrübonü tümü amüsüh lanü ju müneando, arünü yakzan thsümünimdo.

WÜHKHE 19:20

Tüshe mihtsürü shepü müneanbahle mümüsühkhitbanü, ju buh mihtsürü ju boto chingnü khekhita bahbah, tümütüsho apinü Atungpuh arüngyam müneanjihdo. Amüsühkhitbe ke api kheak mürhakkih; api müneana lah.

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

1 KORINT 3:18

Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah.