1 KORINT 2:8 - AMÜSÜH HÜM CL Bible (BSI)

⁸ Ha lün yakzanshuhrü shenü she ha manikhit; arünü anikhitkhülaa müretahkhi Atungpuh müyümkih-a labah.

1 KORINT 2:8 Iomraidhean Croise

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 13:22

Ayangrung ching hiukhi ju, shepünü thiyu sobah alomi mulong sansan tüsho lakhit asühkhinü thiyu ju khüpsahshihcho, tüsho aso masochonü api ah.

LUKNÜ ATHRÜTKHI THIYUSHEAK-ATSÜ HUHTANYU 23:34

Judüki Jisunü tha, “Abuh, arü neak bahjang, tümütüsho arünü tümü rhimochonü mümükheah.” Tüsho arünü azan thsüde api khimmihbo chama lu.

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

JOHAN 7:48

Yakzanshuhrü yungsho Pharisirü khürünü api kheak kinkhea de?

JOHAN 8:19

Judüki arünü api ki tha, “Nü Buh küching la?” Jisunü alo, “Nüsanü I yungsho I Buh she mümükheah. Nüsanü I mükheahkhülaa, I Buh she mükheah-a labah.”

YUNIRÜBO RHIMO 13:27

Tümüde Jirusalem ching lakhi mihtsürübo tüsho arü limberübonü api akhümkhitbuh de mümükheah yungsho wukihrübo yu Amuni aban khekhi manikhit, tüshe arünü Jisu bahyukkhinü wukihrübo yu dünjishihdo.

YUNIRÜBO RHIMO 7:2

Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

1 KORINT 2:6

Tütüshe lümzorü bolung isanü lümlung yu tha, tüshe ju adükheakbe ha lün yungsho ha lün yakzanshuhrü lümlung yung.

2 KORINT 3:14

Tüsho arü lümkhibo mitingde lah; tümütüsho khihni khiungde arünü awün tangzüng khechoki ju kudukiube mulokhi tümütüsho Khrista hodü lang ha lude tsodo.

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

EFISIA 4:18

arü mulong müküpde arü kheak yakli mümükheahkhi lakhi hode arü lümkhi mitingde, Thrünpuhnü ajihkhi rhangdung chingnü chamkhibah lah;

1 TIMOTHI 1:13

Adüso inü api athruajide, thsümüchide, tüsho mükhemükimde lalashe, inü mümükheahde tüsho mükinyide arhimokhi hode I ki mihmüthsüm huh.

JAKOB 2:1

I keoniorübo, isa Atungpuh Jisu Khrista, müretahkhi Atungpuh kheak nüsanü kinla le, jakkheahkhi dühuh.