1 KORINT 2:6 - AMÜSÜH HÜM CL Bible (BSI)

⁶ Tütüshe lümzorü bolung isanü lümlung yu tha, tüshe ju adükheakbe ha lün yungsho ha lün yakzanshuhrü lümlung yung.

1 KORINT 2:6 Iomraidhean Croise

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 12:19

apinü amükeamrübo rhüka lubah tsochoh tüsho sühmüh larü thrimkhita bahchoh.

JOB HU H T ANYU 12:21

Apinü yakzanshuhrübo bahyukchoh tüsho sühmüh larü chimrümbe trünjihchoh.

MUNGSHIKHÜN 146:4

Api me chamachihchoh, api nihbuh lo lim rholochoh; ju nimung chingnü api lümkhibo dükheakchoh.

MUNGSHIKHÜN 33:10

Atungpuhnü trükshih lümkhi zhomashihchoh; apinü arü lümkhi thsükhibo rhimopü zhipdochoh.

MUNGSHIKHÜN 37:37

Areak mükihkhi mihtsürü mütsanang, tüsho alungkirü kheahyukang; tümüde ju mihtsürü arübe kuhi mungtsü lah.

ISAIA 40:23

Shepünü yakzanshuhrübo akeangkeang kamshihcho, tüsho alomi yakzanshuhrü tümü mülakhi kamshihcho.

MATHI 13:22

Ayangrung ching hiukhi ju, shepünü thiyu sobah alomi mulong sansan tüsho lakhit asühkhinü thiyu ju khüpsahshihcho, tüsho aso masochonü api ah.

MATHI 19:21

Jisunü api ki alo, “Nünü banthsangde kamnesho, yüang, nü yamalobo yinbah zhochihrü kilim jihang, tüsho yinmi ching nü rahpung labah; tüsho arang, I dunglim yanang.”

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

LUKNÜ ATHRÜTKHI THIYUSHEAK-ATSÜ HUHTANYU 16:8

Junangde aputungrünü thiyuro mülakhi khinkihthsübuh ju tsülah de tha tümütüsho apinü rük lade rhimo. Tümütüsho ha lomi tsührübo ju arü lün ching ayin tsührübo kheaknü rük labeah.

1 KORINT 1:28

Alominü adungto ah de alümkhi thsümünimpü thsüde alominü khenoa tüsho bahyuka, tüsho tümü mükam de alümkhi Thrünpuhnü mokhit.

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

1 KORINT 2:1

Keoniorübo, küyimki I nüsa kilim arükheanü, inü thiyu ato yungsho lümlung thade Thrünpuh aramyu nüsa ki müthsangyuthsangra.

1 KORINT 2:13

Tüsho isanü ha mihtsürü lümlungnü thsangyukhi yubo chingnü mütha, tüshe Menü thsangyukhi, Me larü me thiyuro thanakkhi lah.

1 KORINT 2:8

Ha lün yakzanshuhrü shenü she ha manikhit; arünü anikhitkhülaa müretahkhi Atungpuh müyümkih-a labah.

1 KORINT 3:1

Tüshe keoniorübo, inü nüsa ki me ching azorü mihtsürü ki nangde yung, tüshe alomi mihtsürü, Khrista ching khungarü ki nangde asukdo.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

2 KORINT 4:3

Tüsho isa thiyusheak-atsü muhiudoa lalashe, ju adükheakrübo kilim lang muhiudoa lah.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

EFISIA 2:2

küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea,

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

IBRI 5:14

Tüshe tsühyungbe amüküp ju azorü thsungkheak ah, tümüde sherünü athsükhukpü lanü amütsü chingnü atsü mütsankhitpü rhimoakheahde yeanzamdo.

IBRI 6:1

Jumonü isanü Khrista dünkheak akhuhbe thsangyukhi bahbah, ashekhi rhimo chingnü mulong müthrikhi tüsho Thrünpuh kinkhi khimtan müthsülode azorü kamde yüanü;

JAKOB 3:15

Hadürü lümlung ju akulimnü arükhi yung; ha alomi yo, me-mülakhi, amünean ah.

JAKOB 3:2

Tümüde isa alalanü hihde lakmihchoh, tüsho mihtsürü khülang apinü athakhi ching mülakmihsho api athülünkhi mihtsürü, pang she abümnü adanyukpü kukkhi lah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.