1 KORINT 2:4 - AMÜSÜH HÜM CL Bible (BSI)

⁴ tüsho I yu thakhi le I yusheak ju thiyu-ake tüsho lümlung yu chingnü yung, tüshe Me tüsho wu huhpü lakheah,

1 KORINT 2:4 Iomraidhean Croise

MÜCHITMUDU 20:19

Münjipjiprünü aramyu thakhitchoh; jumonü tsaktsakrururü lung datruachih.

MÜCHITMUDU 7:21

Alibenü amünit yubonü api bephülap; anihbe yu thünakkhinü api rükyuk.

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

EZEKIEL 13:6

Arü michihbo arükchih tüsho arü müchitkhi akeangyu. Atungpuhnü arü müthiyide thachoh, “Atungpuhnü thachoh”; tüsho arü yu dünjipü arünü mükkin thsüchoh.

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

YUNIRÜBO RHIMO 26:28

Tüsho Agrippanü Paul ki tha, “Nahde nünü I Khristan kamshihpü lümcho de?”

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

1 KORINT 1:17

Tümüde Khristanü baptipü I thiyikhi yung tüshe thiyusheak-atsü thsangyuthsangrapü ah, tüsho lümlung yu bede yung, jude yungsho Khrista sangkim wu akeangkeang kambah.

1 KORINT 2:1

Keoniorübo, küyimki I nüsa kilim arükheanü, inü thiyu ato yungsho lümlung thade Thrünpuh aramyu nüsa ki müthsangyuthsangra.

1 KORINT 2:13

Tüsho isanü ha mihtsürü lümlungnü thsangyukhi yubo chingnü mütha, tüshe Menü thsangyukhi, Me larü me thiyuro thanakkhi lah.

1 KORINT 4:20

Tümüde Thrünpuh kiulongthsü ju thiyu thabe yung tüshe wu ah.

2 KORINT 6:6

atsangkhitkhi, mükheahmudu, arorikhi, amuzho, Amüsüh Me, atsütsü amuzho,

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

KOLOSI 2:4

Shenü she thiyu akenü nüsa mümülapyukshihpü inü ha thachoh.

1 TESALONIKA 1:5

isa thiyusheak-atsü ju nüsa kilim thiyu chingnü lang yung, tüshe wu tüsho Amüsüh Me ching, akin mütsande arü. Nüsa thsülimnü isanü nüsa bolung küdürü mihtsürü amütsan thsüde alakheanü nüsanü mükheahlah.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

2 PETER 1:16

Isanü nüsa ki wu tüsho isa Atungpuh Jisu Khrista arüpü dünkheak thachoki thiyukheanbo kheak mangükih, tüshe api wüntremüretah isa müknü angükhi lah.

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

MAHKHAPRÜ 14:15

Jumonü arünü nimung phüyi nipü Samson niube ki tha, “Nü niubuh ki rük thsang, junangde apinü isa ki akeokhikhi thanaka huhbah, jude yungsho isanü nü le nü buh yamkhün monü atakbah. Isa yo lujihpü nünü isa jiyukkhea de? Jude yung shi?”

MAHKHAPRÜ 16:5

Filistiarü kiulongthsürü phüngü yü tüsho alibe ki tha, “ Api ki rük thsüang, tüsho api sühmüh ato küching la tüsho isanü küde thsah api kukbanü yimkhitang, junangde isanü api thsümüchipü thsüde arhükbah; tüsho isa mihbüm abannü nü kilim shotoyinchi 1100 jihbah.”