1 KORINT 2:14 - AMÜSÜH HÜM CL Bible (BSI)

¹⁴ Me mülakhi mihtsürünü Thrünpuh Me thsambah müleangkhichoh, tümüde arübo api ki makharü ah, tüsho apinü jurübo anikhitpü mukuk, tümütüsho jurübo me hodü lang mütsankhitchoh.

1 KORINT 2:14 Iomraidhean Croise

MÜCHITMUDU 14:6

Kithsükilangrünü lümlung yimchoh tüsho ju müngü, tüshe shepünü anikhitchonü mükheahmudu ju athülih ah.

MATHI 16:23

Tüshe apinü rholobah Peter ki tha, “I dunglim yüang, Arimri! Nü a I ki jingmükhelung ah; nü lüm ching lakhibo ju Thrünpuh kilimnü yung, tüshe mihtsürü kilimnü lah.”

JOHAN 10:20

Tüsho arü ahihkhühnü tha, “Api amünean me lah tüsho bünchoh. Tümüde nüsanü api ki anicho?”

JOHAN 12:37

Tüshe apinü arü miki khinthiyinbe ahihdo rhimomo she arünü api kheak mükin,

JOHAN 14:17

ju thiyuro Me. Alominü api müleangkhikhuk, müngü yungsho api mümükheah; tüshe nüsanü api mükheahlah, tümüde api nüsa lung lah tüsho nüsa kheak labah.

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

JOHAN 8:43

Tümü thsükhi nüsanü I yu manikhitcho? Tümütüsho nüsanü I yu anipü marümkheam.

YUNIRÜBO RHIMO 16:14

Isa ki anide alarü bolung aliberü khülang amung Lydia, Thyatira kiuto chingnü, mürümmuchu khimmih yinrü Thrünpuh kingaünrü lakheah. Paulnü athakhi anipü Thrünpuhnü anihbe mulong khimshuhjih.

YUNIRÜBO RHIMO 17:18

Epikur tüsho Stoik lümlung-yimrü khürünü she api shoru. Tüsho khürünü tha, “Mudukmükerünü tümü thacho?” Püpürünü tha, “Apinü khiungkerü thrünpuhbo dünkheak thachoh khunuh.” Arünü ha tha tümütüsho Paulnü Jisu tüsho arhang kamlokhi dünkheak thsangyuthsangra.

YUNIRÜBO RHIMO 17:32

Küyimki arünü asherü arhang kamlokhi dünkheak sokhea, khürünü münejih; tüshe püpürünü tha, “Ha dünkheak kheaküshe isanü nü ki anibah.”

YUNIRÜBO RHIMO 18:15

tüshe ha a thiyubo le mungbo tüsho nüsa yakzan dünkheak a le nüsa küdah thsüde khikzhakang: inü harü dünkheak a mahmükhap.”

YUNIRÜBO RHIMO 25:19

Tüshe arünü api ki atsangpü lakhi ju arü kingaün tüsho Paulnü rhangdung lah de athakhi shea lakhi Jisu dünkheak lakheah.

1 KORINT 1:18

Tümütüsho dükheakde alarü ki sangkim yusheak ju makhakhi, tüshe isa khümkhita larü ki a Thrünpuh wu ah.

1 KORINT 1:21

Tümütüsho Thrünpuh lümlung ching, alominü arü lümlung hode Thrünpuh mümükheah, tüshe akinrü khümkhitpü isanü thsangyuthsangrakhi makha yu hode Thrünpuh asühshih.

1 KORINT 1:23

tüshe isanü a Jihudarü ki jingmükhebe tüsho khiungkerü ki makhakhi, Khrista yümkihkhi thsangyuthsangrachoh,

1 KORINT 1:25

Tümüde Thrünpuh makhakhi ju mihtsürü lümlung kheaknü lümlung labe, tüsho Thrünpuh yiuhyiuhkhi ju mihtsürü sühmüh kheaknü adüküngbe ah.

1 KORINT 15:44

Alomi pang hiuchoh, me pang asürüchoh. Ju ching alomi pang lasho, me pang she lah.

1 KORINT 15:46

Tüshe akhuhbe ju me yungde pang, tüsho jushu me ah.

1 KORINT 2:12

Kheakü isanü alomi yo me yung, tüshe Thrünpuhnü isa kheak jih-a lakhi thsambah anikhitpü Thrünpuh kilimnü Me leangkhi.

1 KORINT 3:1

Tüshe keoniorübo, inü nüsa ki me ching azorü mihtsürü ki nangde yung, tüshe alomi mihtsürü, Khrista ching khungarü ki nangde asukdo.

JAKOB 3:15

Hadürü lümlung ju akulimnü arükhi yung; ha alomi yo, me-mülakhi, amünean ah.

1 JOHAN 2:20

Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

JUDNÜ ATHRÜTKHI KIHÜM HUHTANYU 1:19

Achamnakrü, alomi mihtsürü, Me mülakhi ju harü ah.