1 KORINT 2:13 - AMÜSÜH HÜM CL Bible (BSI)

¹³ Tüsho isanü ha mihtsürü lümlungnü thsangyukhi yubo chingnü mütha, tüshe Menü thsangyukhi, Me larü me thiyuro thanakkhi lah.

1 KORINT 2:13 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 12:12

Tümüde nünü tümü thabeanü Amüsüh Menü ju kim ching thsangyubah.”

YUNIRÜBO RHIMO 2:4

Tüsho arü alala Amüsüh Menü mide kam tüsho Menü athakhukshihkhinü püpürü yutha chingnü athapü tankih.

1 KORINT 1:17

Tümüde Khristanü baptipü I thiyikhi yung tüshe thiyusheak-atsü thsangyuthsangrapü ah, tüsho lümlung yu bede yung, jude yungsho Khrista sangkim wu akeangkeang kambah.

1 KORINT 14:2

Tümüde shepünü thiyutha chingnü thachonü mihtsürü ki yung tüshe Thrünpuh ki thachoh; shenü api manikhit, tüshe Me ching aramyu thachoh.

1 KORINT 2:1

Keoniorübo, küyimki I nüsa kilim arükheanü, inü thiyu ato yungsho lümlung thade Thrünpuh aramyu nüsa ki müthsangyuthsangra.

1 KORINT 2:14

Me mülakhi mihtsürünü Thrünpuh Me thsambah müleangkhichoh, tümüde arübo api ki makharü ah, tüsho apinü jurübo anikhitpü mukuk, tümütüsho jurübo me hodü lang mütsankhitchoh.

1 KORINT 2:4

tüsho I yu thakhi le I yusheak ju thiyu-ake tüsho lümlung yu chingnü yung, tüshe Me tüsho wu huhpü lakheah,

1 KORINT 9:11

Isanü nüsa bolung me müjih hiudo. Isanü nüsa kukruk alü thsüde yimlukhi ju hihdakla de?

EFISIA 5:19

Mungshikhünbo, khünbo, tüsho Me khünbo chingnü khülangnü khülang ki thaachihang. Nüsa mulong athrünkhinü Atungpuh ki khün thsang; tüsho khün khungang,

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

2 PETER 1:16

Isanü nüsa ki wu tüsho isa Atungpuh Jisu Khrista arüpü dünkheak thachoki thiyukheanbo kheak mangükih, tüshe api wüntremüretah isa müknü angükhi lah.