1 KORINT 2:10 - AMÜSÜH HÜM CL Bible (BSI)

¹⁰ Thrünpuhnü Me hode isa ki akhiuka huh. Tümüde Menü lüpdükhi, Thrünpuh lümkhi asükbo she yimchoh.

1 KORINT 2:10 Iomraidhean Croise

JOB HU H T ANYU 12:22

Apinü amiting chingnü asük kukrukbo lokhitchoh, tüsho sükde amitingkhi ju ayin kamshihchoh.

ISAIA 48:16

I ki phünide arang, ha aniang! Atankih chingnü inü ramde masuk, ha dünjipü lachoki I lakheah. Tüsho kheakü Atungpuh Thrünpuhnü api me bede I thiyikheah.

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

DANIEL 2:22

Apinü asük tüsho rama lakhibo akhiuka huhchoh; apinü amiting ching tümü lanü mükheahlah, tüsho api lung ayin lah.

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

LUKNÜ ATHRÜTKHI THIYUSHEAK-ATSÜ HUHTANYU 10:21

Ju kim ching Jisunü Me ching asüh, tüsho tha, “Yinmi tüsho alomi Tungpuh, Abuh, nünü harü lümlung tüsho mükheahmudurü kheak ram tüsho khungarübo ki akhiuka huhkhi dünkheak inü nü shijihchoh. Am, Abuh, haju nü mük ki atsü lakheah.

LUKNÜ ATHRÜTKHI THIYUSHEAK-ATSÜ HUHTANYU 2:26

Junangde apinü Atungpuhnü alokhikhi Messia arükhi müngüyikia ashepü müngü de Amüsüh Menü api ki akhiuka huh.

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 16:13

Judüalalashe, küyimki thiyuro Me arübanü apinü nüsa thiyuro alala ching bebah; tümüde apinü nihbuh thiyukhümsühmühnü mütha, tüshe tümüpürü apinü asobanü athabah; tüsho adünjipü lakhi apinü nüsa ki thabah.

1 KORINT 14:30

Binde alakhi khürü ki amikheak akhiukkhi rhimosho, akhuhbuh ju tukloshang.

1 KORINT 2:11

Tümütüsho mihtsürü kheak lakhi menü yungsho, shepünü mihtsürü lümkhi mükheahla?

GALATIA 1:12

Tümüde inü ju mihtsürü kilimnü müleangkhi, yungsho I ki müthsangyu, tüshe Jisu Khrista amikheak akhiukkhi hode arü.

EFISIA 3:3

ju inü akhihkhüh thrütkhi amikheak akhiukkhi I kilim huhkhi aramyu lah.

EFISIA 3:5

ju kheakü api amüsüh thsangyuthsangrarübo tüsho wukihrübo ki Menü ahuhkhi nangdüa püpürü lünbo mihtsürü tsührübo ki mümükheahshihde alakheah;

1 TIMOTHI 4:1

Kheakü ashulim kimbo ching mebo mülapyukkhi tüsho amünean yukhümbo anide akin chingnü khürü chamkhide atsobah de Menü thachoh.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 JOHAN 2:20

Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,

AMIKHEAKAKHIUKKHI 2:24

Kheakü Thyatira ching nüsa aningkhi, anihbe thsangyukhi müramrihrü tüsho Arimri rük asük de ajikhi manikhitrü ki inü thachoh, inü nüsa kheak hahmülang püpü tümü müyihkihjih;