1 KORINT 15:58 - AMÜSÜH HÜM CL Bible (BSI)

⁵⁸ Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

1 KORINT 15:58 Iomraidhean Croise

2 KIUTHSÜYUKHEAN 15:7

Tüshe nüsa, mulong toang! nüsa khahbo dükeakeashih, tümüde nüsa rhimokhi ching thsambah ngübah.”

NEHEMIA 6:4

Ju yusheak lang arünü I kilim phüyi ki arüshih, tüshe ju aban ju ruk lang alojih.

MUNGSHIKHÜN 112:6

Tsükjide küyimkishe api matrüt; thiyuro-lungkirü lünnü alümkhitbah.

MUNGSHIKHÜN 19:11

Jurünü I nü yamlarü kilim mükheahmudu jihchoh; jurübo mihyuanikhi ching I thsambah ato lah.

MUNGSHIKHÜN 55:22

Atungpuh kheak nü hahmülang zojang, tüsho apinü nü tsunglobah; apinü küyimkishe thiyuro-lungkirü matrütshih.

MUNGSHIKHÜN 73:13

Akeangkeang ching inü I mulong müsühde zodo tüsho neak müyihbeakde lado.

MUNGSHIKHÜN 78:37

tümüde arü mulong api ki müdüküng, yungsho api ki tangzüngkhi ching thiyuro müla.

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

MÜCHITMUDU 21:21

Shepünü thiyuro-lungki tüsho amüthsüm yimchonü rhangdung tüsho wüntrepü ngüchoh.

MARK 3:3

Judüki apinü khah thripshe thsükhi mihtsürü ki tha, “Mikhuhlim arang.”

LUKNÜ ATHRÜTKHI THIYUSHEAK-ATSÜ HUHTANYU 19:19

Junangde apinü anihbuh ki tha, ‘Nü she kiuto 5 kurungkheak laang.’

1 KORINT 16:10

Küyimki Timothi arübanü, nüsa bolung api mütrede lashang, tümüde api ju I nangde Atungpuh rhimo thsüchoh.

1 KORINT 3:8

Shepünü khimcho tüsho shepünü ke duhchonü ane rukhüh ah, tüsho mihbüm aban api rhimo ayannü mihkhah dün leangkhibah.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

GALATIA 4:11

Nüsa thsungkheak I akeangkeang ching rhimoa lashi de I mulong sansanlah.

GALATIA 6:9

Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah.

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 1:9

Tüsho nüsa amuzho ju mükheahmudu tüsho mütsankhitpü bede alü zokihpü I tamkhüntamnü lah,

FILIPI 2:16

rhangdung yu kheak düngde aramrihbah, junangde Khrista nimung ching I akeangkeang ching malih yungsho akeangkeang ching mükhisah de inü akükheangbah.

FILIPI 2:30

tümütüsho nüsanü mukukkhi, api rhangdung jihde I rungpü ching, Khrista rhimo thsungkheaknü api shemüchihdo.

FILIPI 4:17

Ju inü thsambah yimkhi yung; tüshe nüsa alü thsükhi ching bukhi sangaso inü yimchoh.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 2:5

Tümütüsho pangnü I mülalashe, me ching I nüsa lung lade, nüsa tsüde alakhi tüsho Khrista ching nüsa akin düküngkhi asühde kheahchoh.

KOLOSI 2:7

aying chinyukde api kheak thrünkihde tüsho akin ching düküngde nüsa ki thsangyukhi nangde makshe jihkhi ching suhdahde laang.

1 TESALONIKA 1:3

nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

1 TESALONIKA 3:12

tüsho isanü nüsa ki rhimokhi nangde, khülangnü khülang tüsho mihtsürü alala ki muzhoachihpü ching Atungpuhnü nüsa alü rünkihde kamshang,

1 TESALONIKA 3:3

junangde sheshe harü thsünübo hode matrütshih. Ha isa shihcham labeah de nüsa küdah thsüde mükheahlah.

1 TESALONIKA 3:5

Ha dünkheaknü, küyimki inü marümkhukde akamkhea, rükakirünü nüsa rükakide tüsho isa khisahkhi akeangkeang kambah de lümbah inü nüsa akin mükheahpü thiyikheah.

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

IBRI 3:14

Tümüde isanü akhuhbe mulongram lakhi ju akheam khiungde düküngde ramrihsho, isanü Khrista lung shihcham luchoh.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

RUTH 1:18

Küyimki Ruthnü anihbe lung arüpü mulongkhitkhi Naominü mütsankhea, tümü müthadebah.