1 KORINT 15:57 - AMÜSÜH HÜM CL Bible (BSI)

⁵⁷ Tüshe isa Atungpuh Jisu Khrista hode isa kilim akuk ngükhi jihbuh Thrünpuh ki makshe jihang.

1 KORINT 15:57 Iomraidhean Croise

2 KIULONG THSÜRÜ 5:1

Siria kiulongthsüpuh bonungrü wühkenobuh, Naaman ju mungthu mihtsürü tüsho anihbuh putungrünü wüntre jihkhi lakheah, tümütüsho api hode Atungpuhnü Siria kilim akuk ngüshih. Api athrungrü amüzhak mihtsürü thsüa lalashe, aphamrü lakheah.

1 KIUTHSÜYUKHEAN 22:11

Kheakü, I tsah-a, Atungpuh nü lung lashang, junangde apinü nü ki thakhi nangde, Atungpuh nü Thrünpuh yam akuk ngüde thsang.

MUNGSHIKHÜN 98:1

O, Atungpuh ki khün aso khülang thsang, tümüde apinü amüyinsahbebo rhimo! Api khah tsülim tüsho api amüsüh binnü akuk ngüdo.

MÜCHITMUDU 21:31

Khora ju thirithsü nimung thsungkheak thsakhamlah, tüshe akuk ngükhi ju Atungpuh yo.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

YUNIRÜBO RHIMO 27:35

Tüsho küyimki apinü ha thakheanü yikhap lu tüsho alala mikinü Thrünpuh ki makshe jihbah ju yihnak tüsho atsühpü tankih.

ROMRÜ KILIM PAULNÜ ATHRÜTKHI KIHÜM HUHTANYU 7:25

Atungpuh Jisu Khrista hode Thrünpuh ki makshe jihang! Junangde, I lümkhinü a Thrünpuh yakzan tankihchoh, tüshe I shihnü a neak yakzan tankihchoh.

ROMRÜ KILIM PAULNÜ ATHRÜTKHI KIHÜM HUHTANYU 8:37

Yung, harü alala ching isa muzhobuh hode isa ju akuk ngürü kheaknü alü ah.

1 KORINT 15:51

Kheahang! Inü nüsa ki aramyu thachoh. Isa alala müshe, tüshe isa alala amüthribah,

2 KORINT 1:11

Nüsanü she tamkhüntamnü hode isa rungbeah, junangde ahihkhühnü tamkhüntamnü alojihde isa ki müngühmühi mülüjihkhi thsungkheak isa thsung thsüde ahihkhühnü makshe jihbah.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

2 KORINT 9:15

Müthakhukbe api thsambah thsungkheak Thrünpuh kilim makshe jihang!

EFISIA 5:20

isa Atungpuh Jisu Khrista mung chingnü lüpdükhi thsungkheak Abuh Thrünpuh kilim kamruhroro makshe jihang.

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

AMIKHEAKAKHIUKKHI 21:4

apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”