1 KORINT 15:52 - AMÜSÜH HÜM CL Bible (BSI)

⁵² kim khülang ching, mükthrap khülang ching, akheam hulipungpung mütchoki labah. Tümüde hulipungpung mütbah, asherü müdükheakbe thsüde arhang kamlobah, tüsho isa alala amüthribah.

1 KORINT 15:52 Iomraidhean Croise

MUNGSHIKHÜN 73:19

O, küdükhüh she anükhüh kheaknü arü thsümünima la, arübo atrebe thsüde shahde muyua lah!

ABEKHIT 19:16

Asam nipü yapsu müzüng kumung amo akheah kihde tsüngmuk tüsho chinchobe lakheah, tüsho hulipungpung khide achangnü müt, jumonü binkheampung ching mihtsürü alala ajan.

ABEKHIT 20:18

Kheakü mihtsürü alalanü tsüngmuk, chinchobe, hulipungpung düsheak tüsho müzüng kheak mokhühkhi kheahde alakheah. Tüsho küyimki arünü ju ngükheanü, arübo ajan tüsho limshu ching zhip.

ABEKHIT 33:5

Tümüde Atungpuhnü Mosa ki tha, Israelrü ki thaang, “Nüsa anihnih mihtsürü ah. I nüsa lung anükhüh kheak lang she yükhülaa, inü nüsa shahde adükheakshihbah. Kheakü nüsa zülubo yihkhitang, tüsho nüsa kheak tümü rhimobanü inü apungkhibah.”

ISAIA 18:3

Nüsa alomiküp ching larü alala, nüsa sherü alomi kheak lacho, küyimki amütsan riphin khülang awungbo kheak shuhkihbanü, kheahang! Küyimki hulipungpung mütbanü, aniang!

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

EZEKIEL 33:3

tüsho aheangbuhnü lomi kheak thirithsü arükhi ngübah hulipungpung mütsho tüsho mihtsürübo ki kurhangyu thasho;

EZEKIEL 33:6

Tüshe aheangrünü thiriri arükhi ngübah hulipungpung mümütsho, junangde mihtsürübo mukurhangsho, tüsho thiriri arübah arü khürü lude tsosho, arü mülimkhi ching arübo lude tsodo, tüshe arü thiyih ju inü aheangbuh khah chingnü akheangbah.

ZEKARIA 9:14

Judüki arü kurungkheak Atungpuh akhiukbah, tüsho api hühzo chinchobe nangde ayübah; Atungpuh Thrünpuhnü hulipungpung khungbah tüsho düjinglim chinthrüm ching mikhuhlim yübah.

WÜHKHE 10:4

tüshe arünü khülang lang mütsho, limberübo, Israel trükbo ching akubo lang nü ki mukhungbah.

WÜHKHE 16:21

“Nüke boto chingnü atrütang, tüsho inü arübo khülangkiyu thsüde akheamshihbah.”

WÜHKHE 16:45

“ Harü boto chingnü tsoakhinang, tüsho inü arübo khülangkiyu thsüde akheamshihbah,” tüsho ane miro zhinabah.

MATHI 24:31

Apinü api yunirübo hulipungpung düsheak atonü mütde ayüshihbah, tüsho arünü api yo amokhitrübo alomi akheamnü khülim khiungde thrip phüyi chingnü abemukhungbah.

JOHAN 5:25

“Atsütsü inü nüsa ki thachoh, kim arüchoh, tüsho kheakü asherünü Thrünpuh tsührü düsheak sopü lah; tüsho sherünü asobanü rhangdung labah.

JOHAN 5:28

Ha kheak dümüyinsah; tümüde kiuyukbo ching larü alalanü api düsheak sopü kim arüchoh

1 KORINT 15:23

Tüshe mihbüm aban nihbuh kim ching arhang kamloshih: alala kheaknü akhuh Khrista; jushu api arüchoki api yo thsürü labah.

1 KORINT 15:42

Junangde asherü arhang kamlokhi ju ruk ah. Tümü hiukheanü adükheakbe ah, tümü asürüa lanü müdükheakbea ah.

1 KORINT 15:50

Keoniorübo, inü nüsa ki ha thachoh: Shih tüsho thiyihnü Thrünpuh kiulongthsü yamrüplurüp mulukhuk, yungsho adükheakbenü amüdükheakbe yamrüplurüp muluchoh.

1 TESALONIKA 4:15

Tümüde isa sherü Atungpuh arüpü khiungde rhangdung lanü asherü kheaknü akhuhde müyü de Atungpuh yu hode isanü nüsa ki khipkhitchoh.

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

AMIKHEAKAKHIUKKHI 8:13

Judüki inü kheah, tüsho müleangnü thüning phulung phinde achangnü akhungkhi inü so, “Yunirü püpü mahsamnü hulipungpung mütpü lakhi dünkheak alomi ching larübo Are! Are! Are!”

AMIKHEAKAKHIUKKHI 8:2

Judüki yunirü thüne Thrünpuh miki zhipde inü ngü, tüsho arü kilim hulipungpung thüne jih.