1 KORINT 15:31 - AMÜSÜH HÜM CL Bible (BSI)

³¹ Keoniorübo, isa Atungpuh Jisu Khrista ching I nüsa kurungkheak müretahkhinü I nimung aban shechoh de khipkhitshihchoh.

1 KORINT 15:31 Iomraidhean Croise

THRÜNTAN 43:3

Tüshe Judanü api ki tha, “Nüsa lung nüsa niurü mübesho nüsanü I miro müngülo de mihtsürünü isa ki müküpde thado.

JEREMIA 11:7

Tümüde inü nüsa jipürü Ijip chingnü bede akhiukchoki düshihde arü ki thado, khihni khiungde arü ki kim aban, I yu aniang de thade lah.

ZEKARIA 3:6

Judüki Atungpuh yunirünü Jihusua ki thsangdande tha,

YUNIRÜBO RHIMO 20:23

Kiuto aban rihyam ching lapü tüsho küpkhuk shorupü Amüsüh Menü athakhi lang inü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 8:36

Ha thrüta lah, “Nü dünkheaknü isa nimung amuyung laksah; isa ju alaksahpü lakhi namfimihnunu nangde khejih.”

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 11:23

Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

1 TESALONIKA 2:19

Tümüde isa Atungpuh Jisu miki api arüchoki isa mulonglam yungsho asühpü yungsho akükheangkhi amütsan tümü laba? Ju nüsa yung de?

1 TESALONIKA 3:9

Nüsa dünkheak isanü Thrünpuh miki asühde alümkhi alala thsungkheak isanü Thrünpuh miki makshe jihkhi tümü rhimokhukba?

1 SAMUEL 8:9

Jumonü kheakü, arü düsheak anijang; nünü lang arü ki düshihde dühdang, tüsho arü kurungkheak yakzan shuhpü lakhi kiulongthsüpuh limrobo arü ki huhang.”