1 KORINT 15:27 - AMÜSÜH HÜM CL Bible (BSI)

²⁷ “Tümüde Thrünpuhnü lüpdükhi api jing khüp yüzahshih.” Tüshe küyimki “Lüpdükhi api king khüp yüzahshihdo” de athabanü, lüpdükhi api jing khüp yüzahshihbuh ju a mübe.

1 KORINT 15:27 Iomraidhean Croise

MUNGSHIKHÜN 8:6

Nünü nü khah rhimo kurung yakzan shuhpü api kilim jih; nünü lüpdükhi api jing khüp zojih,

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

JOHAN 13:3

Jisunü api khah ching Abuhnü lüpdükhi jihdo tüsho api Thrünpuh kilimnü arükheah tüsho Thrünpuh kilim yüchoh de mükheahbah,

JOHAN 3:35

Abuhnü atsührü muzhochoh, tüsho lüpdükhi api khah ching jihdo.

EFISIA 1:20

küpü apinü ashe chingnü arhang kamloshihchoki tüsho yinmi kiulongthsü ching akhah tsülim binshihchoki Khrista kheak rhimokhea,

EFISIA 1:22

tüsho apinü alala api jing khüp yüzahshih, tüsho borü thsungkheak alala kumung api aku kamshih.

IBRI 1:13

Tüshe Thrünpuhnü yunirü ki küyimkishe mütha, “Inü nü riribo nü jing jungpung mükamshihyi khiungde I khah tsülim binang.”

IBRI 10:12

Tüshe küyimki Khristanü kim alala dün neakbo thsungkheak khülangki shuhmülanga jihkheanü api Thrünpuh khah tsülim bin.

IBRI 2:8

lüpdükhi api jing khüp yüzahshih.” Kheakü apinü tümü she maningshihde lüpdükhi api bukkhüp kamshih. Tütüshe kheakü lüpdükhi api bukkhüp lakhi isanü müngüchoh.

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.