1 KORINT 15:24 - AMÜSÜH HÜM CL Bible (BSI)

²⁴ Judüki apinü yakzanshuhrü, thiyukhüm-sühmüh tüsho wu alala dükheakshih dunglim Abuh Thrünpuh kilim kiulongthsü jihabahchoki akheam arübah.

1 KORINT 15:24 Iomraidhean Croise

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

DANIEL 12:13

Tüshe nü, nü limro ching yüang, tüsho sühakhimang; akheam nimungbo ching nü thsambah leangkhia lupü nü asürübah.”

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

DANIEL 12:9

Apinü tha, “ Nü limro ching yüang, Daniel tümüde thiyubo ha akheam kim khiungde ramlah tüsho yümdolah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 24:13

tüshe shepünü akheam khiungde arümbanü akhümkhitbah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

LUKNÜ ATHRÜTKHI THIYUSHEAK-ATSÜ HUHTANYU 10:22

I Buhnü lüpdükhi I kilim jihdo, tüsho Abuh kheak hode shenü atsührü mümükheah, tüsho atsührü le api amikheak akhiukshihpü mokhitrü kheak hode shenü Abuh mümükheah.”

JOHAN 13:3

Jisunü api khah ching Abuhnü lüpdükhi jihdo tüsho api Thrünpuh kilimnü arükheah tüsho Thrünpuh kilim yüchoh de mükheahbah,

JOHAN 3:35

Abuhnü atsührü muzhochoh, tüsho lüpdükhi api khah ching jihdo.

ROMRÜ KILIM PAULNÜ ATHRÜTKHI KIHÜM HUHTANYU 8:38

Tümüde inü amütsankhi ju ashepü, rhangdung, yunirü, yakzanshuhrü, kheakü lakhi yungsho arüpü lakhi,

EFISIA 5:20

isa Atungpuh Jisu Khrista mung chingnü lüpdükhi thsungkheak Abuh Thrünpuh kilim kamruhroro makshe jihang.

KOLOSI 2:10

tüsho thiyuzüng le thiyukhüm-sühmüh alala kurung aku labuh kheak nüsa rhangdung abanathsangkhi kamdo.

KOLOSI 2:15

Wubo tüsho thiyukhüm-sühmühbo kheamshihde, apinü sangkimnü jurü kurungkheak akuk ngüde botonü kheahshih.

1 TIMOTHI 6:15

tüsho ha kim dükdü ching, müngühmühi tüsho wuto ju lang, kiulongthsürübo kheaknü Kiulongthsürü tüsho atungrübo kheaknü Atungrü,

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.