1 KORINT 14:37 - AMÜSÜH HÜM CL Bible (BSI)

³⁷ Khürünü api wukihrü, yungsho me-larü ah de lümsho, inü nüsa kilim thrütkhi ju Atungpuh yukhüm ah de apinü amükheahbeah.

1 KORINT 14:37 Iomraidhean Croise

WÜHKHE 24:16

Thrünpuh yu sobuhnü müchitkhi, shepünü Khide Achangbuh mükheahmudu mükheah la, shepünü Wuto tüsho api mük tode khimshuhbah akibuh lüm ngücho:

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

ROMRÜ KILIM PAULNÜ ATHRÜTKHI KIHÜM HUHTANYU 12:3

Tümütüsho I kilim jih-a lakhi amüthsüm hode inü nüsa aban ki thachoh: Nü thülünkhi kheaknü nü küdahnü khide changde dülüm, tüshe Thrünpuhnü nü kilim jihkhi akin ayannü athülün atsüngalimnü lümang.

1 KORINT 14:29

Wukihrü mahne yungsho mahsamnü thashang tüsho athakhi ju püpürünü mütsanmükhishang.

1 KORINT 14:36

Yungsho Thrünpuh yu nü kheaknü arükhea de, yungsho ju arükhi nü kheak lang a de?

1 KORINT 14:38

Khürünü ha amümürang thsüsho, api ju amümürang thsüabahang.

1 KORINT 2:15

Me lakhi mihtsürünü lüpdükhi yukhappü kuklah, tüshe shenü she api yukhappü mukuk.

1 KORINT 3:1

Tüshe keoniorübo, inü nüsa ki me ching azorü mihtsürü ki nangde yung, tüshe alomi mihtsürü, Khrista ching khungarü ki nangde asukdo.

1 KORINT 7:25

Kheakü yamkhün mükamrü dünkheak Atungpuh yukhüm müla, tüshe Atungpuh mihmüthsüm mulonglam hode I lümkhi jihchoh.

1 KORINT 7:40

Tüshe alibe ju ruk lang alakhipü anihbe asühbe labah de inü lümchoh. Tüsho I a Thrünpuh Me lah de inü lümchoh.

1 KORINT 8:2

Khürünü tümükhüh mükheahlah de lümsho, apinü amükheahpü lakhi she mümükheahyi.

2 KORINT 10:12

Sherünü küdah thsüde shilochonü isanü arü kheak mazhih yungsho makeachihpü mürangchoh. Küyimki arünü arü adünba tüsho arünü arü kheak akeakheahba, arü lümlung müla.

2 KORINT 10:7

Nüsa mükbo ki tümü lanü kheahchoh. Khürünü api Khrista yo ah de mütsansho, isa nangde api ju Khrista yo ah de lümloshang.

2 KORINT 11:4

Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah.

GALATIA 6:8

Tümüde shepünü nihbuh shih ching hiuchonü shih chingnü athsümünim yimlubah; tüshe shepünü Me ching hiuchonü Me chingnü lün rhangdung yimlubah.

2 PETER 3:2

junangde amüsüh wukihrübonü müchitkhi tüsho nüsa amüsühthsangyurübo hode Atungpuh tüsho akhümkhitbuh yukhüm nüsanü alümkhitbah.

1 JOHAN 4:6

Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.

JUDNÜ ATHRÜTKHI KIHÜM HUHTANYU 1:17

Tüshe amuzho müyamrübo, isa Atungpuh Jisu Khrista amüsüh-thsangyurübonü müchitkhibo nüsanü lümkhitang;