1 KORINT 14:33 - AMÜSÜH HÜM CL Bible (BSI)

³³ Tümütüsho Thrünpuh ju neamneamruru yo yung tüshe mungtsü Thrünpuh ah. Amüsührü borübo alala ching,

1 KORINT 14:33 Iomraidhean Croise

WÜHKHE 7:11

Tüsho Atungpuhnü Mosa ki tha, “ Arübonü kingaün sadam müsühkhitpü thsüde, nimung aban limberü khülang khülangnü kingaün sadam kheak kingaün jihbeah.”

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

YUNIRÜBO RHIMO 9:13

Tüshe Ananianü alo, “Atungpuh, ha mihtsürünü Jirusalem ching nü yo amüsührübo kheak küdükhüh amütsü rhimokheanü ahihdo kilimnü inü sodo;

ROMRÜ KILIM PAULNÜ ATHRÜTKHI KIHÜM HUHTANYU 15:33

Mungtsü Thrünpuh nüsa alala lung laang. Amen.

1 KORINT 11:16

Tüshe khürünü ha dünkheak atsangachihpü mulongsho, isa yungsho Thrünpuh borübo thsüthsü kingaünkhi ching ahoribe püpü müla.

1 KORINT 14:32

tüsho wukihrü mebo ju wukihrübonü adanyukkhi khüp labah.

1 KORINT 14:40

tüshe alala akhamazhamde tüsho akhinashunü arhimobeah.

1 KORINT 4:17

Jumonü inü nüsa kilim Atungpuh ki thiyuro lakhi, inü muzhokhi I tsührü Timothi nüsa kilim thiyichoh. Alala ching borü aban inü thsangyukhi ayede, Jisu Khrista ching I limro apinü nüsa ki lümkhitloshihbah,

1 KORINT 7:15

Tüshe amükinrü yamkhünrünü chamachihpü künsho, jude thsüshang; hadürü ching niubuhrü yungsho niuberü rhüka müla. Tümüde Thrünpuhnü nüsa mungtsü ching lapü jikheah.

1 KORINT 7:17

Mihbüm abannü Atungpuhnü api kilim thsambah jihkhi tüsho Thrünpuhnü api jichoki nangde alabah. Ha borü alala ching I yuzüng lah.

2 KORINT 12:20

Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

2 TESALONIKA 3:16

Kheakü mungtsü Atungpuhnü kim tüsho limro alala ching nüsa kilim mungtsü jihshang. Atungpuh nüsa alala lung laang.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,