1 KORINT 14:3 - AMÜSÜH HÜM CL Bible (BSI)

³ Tüshe shepünü müchityubo mihtsürübo ki thachonü arü shuhkihpü, mulong toyu tüsho mulong shukheampü lah.

1 KORINT 14:3 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 3:18

Junangde atuthsukyu ahihdo lungnü apinü mihtsürübo ki thiyusheak atsübo thsangyuthsangra.

YUNIRÜBO RHIMO 13:15

Yakzan tüsho wukihrübo khe dunglim, sinagog yakzanshuhrübonü arü kilim yüshihde tha, “Keoniorübo, nüsanü mihtsürübo thsungkheak atuthsukyu tümükhüh lasho thaang.”

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

YUNIRÜBO RHIMO 15:32

Juda tüsho Sila, wukihrübo a le thiyu ahihdonü keoniorübo tuthsukde düküngshih.

YUNIRÜBO RHIMO 4:36

Junangde amüsüh-thsangyurübonü Barnaba (amütsan, mulong toshihkhi tsührü), Saipra chingnü azübekhi Levirü Josepnü

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

ROMRÜ KILIM PAULNÜ ATHRÜTKHI KIHÜM HUHTANYU 12:8

shepünü tuthsukchonü, apinü atuthsukkhi ching; shepünü rungzürungdochonü, salakhi ching; shepünü limbechonü, jinjihde; shepünü mihmüthsüm huhchonü, asühsahdo rhimoang.

ROMRÜ KILIM PAULNÜ ATHRÜTKHI KIHÜM HUHTANYU 14:19

Tümünü mungtsü thsücho tüsho bekihchonü isanü yananü.

ROMRÜ KILIM PAULNÜ ATHRÜTKHI KIHÜM HUHTANYU 15:2

Isa mihbüm abannü nihbuh yamhingrü düküngde atsü kamshihpü asühshahnü.

1 KORINT 10:23

“Alala amülübe lah,” tüshe alala alü thsübe yung. “Alala amülübe lah,” tüshe alala a athsülim yung.

1 KORINT 14:12

Junangde nüsa kheak lah; tümütüsho nüsanü me thsambahbo ngüpü künde lale, borü shuhkihpü thsüde thsambahbo ching tsüdakpü mürangang.

1 KORINT 14:17

Tümütüsho nünü makshe tsüde jih-a lapü kuklah, tüshe mihtsürü püpürü a alü müthsü.

1 KORINT 14:26

Keoniorübo, dale tüsho tümü a? Küyimki nüsa rukhüh mukhungbanü, mihbüm aban khün, thsangdan yu, amikheak akhiukkhi, thiyutha yungsho athanakkhi lah. Harü alala borü düküngpü thsungkheak rhimobeah.

1 KORINT 14:31

Tümüde nüsa alalanü khindungde müchitpü kukbah, junangde alalanü anikhitbah tüsho mulong toshihbah;

1 KORINT 8:1

Kheakü sangthsübo ki kingaünkhi tsühyungbe dünkheak isa alala mükheahmudu lah de inü mükheahlah. Mükheahmudunü lülüshishi kamshihchoh, tüshe amuzhonü thsükihchoh.

2 KORINT 1:4

shepünü isa thsümütsü alala ching isa mulong shukheamcho, junangde Thrünpuhnü isa mulong shukheamkhi junü thsümütsü ching larü isanü mulong shukheampü kukbah.

2 KORINT 2:7

Kheakü nüsanü rholobah api neak bahjang; tüsho api mulong shukheamang, jude yungsho api khide mulong rozhakbah.

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

EFISIA 6:22

Ha lümkhi thsungkheaknü inü api nüsa kilim thiyido, junangde isa küde lanü nüsanü amükheahbah, tüsho apinü nüsa mulong toshihbah.

KOLOSI 4:8

Inü ha thsungkheaknü api nüsa kilim thiyichoh, junangde isa künangde lanü nüsanü amükheahbah tüsho apinü nüsa mulong toshihbah.

1 TESALONIKA 2:11

tümüde buhrünü tsührübo ki nangde isanü nüsa aban ki thsangdankhi nüsanü mükheahlah.

1 TESALONIKA 2:3

Tümüde isanü amushukhi ju alakmihkhi yungsho mümüsühkhi, yungsho rük thsüde yung;

1 TESALONIKA 3:2

tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi,

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.

1 TESALONIKA 4:18

Jumonü harü yubonü khülangnü khülang mulong shukheamachihang.

2 TESALONIKA 3:12

Kheakü hadürü mihtsürü ki malande arü rhimo rhimopü tüsho arü rhangdung lapü mulomüthsüpü Atungpuh Jisu Khrista mung chingnü isanü thiyukhüm jihde tuthsukchoh.

1 TIMOTHI 1:4

yungsho arünü mümütsankhi yukhean tüsho arün mülakhi lünkheyukheanbo ching mulong müjihbeah. Harünü akin hode alakhi Thrünpuh lümkhi yungde alanaji akhiukshihchoh.

1 TIMOTHI 4:13

I marüyi khiungde, boto amüsühyu khekhi tüsho thsangyuthsangrapü le thsangyupü ching nü kim jihang tüsho mürangang.

1 TIMOTHI 6:2

Tüsho sherü akinrü putungrübo lanü, keoniorü thsümonü arü ki wüntre müjihde düla; tüshe atsübenü arü tankihang tümütüsho arü rhimo hode sherü alü thsüa lanü akinrübo tüsho arünü amuzhokhi lah. Nünü harü arü ki thsangyuthsangrabeah tüsho tuthsukbeah.

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

TITA 1:9

athsangyukhi yu apinü düngde ramrihbeah, junangde apinü thiyuro kingaün-yakzan ching thsangdankhi jihkhukbah tüsho ju azhihrü ki amülim mütsanjihbah.

TITA 2:15

Harübo khipkhitang; thiyukhümsühmüh alalanü tuthsukang tüsho thürühang. Shenü she nü mükhemürang düthsüshih.

TITA 2:6

Junangde athunu athrürübo ki she arü nihbuh danyukpü tuthsukang.

TITA 2:9

Yamlarübonü arü putungrü bukkhüp lapü tüsho lüpdükhi ching reangkeamde wüntre jihpü thsangdanang; arünü thiyu malolobeah,

IBRI 10:25

khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.

IBRI 13:22

Keoniorübo, inü tuthsukde athakhi yu arümde anipü nüsa ki mushuchoh, tümüde inü nüsa kilim akhihkhühnü thrütdo.

IBRI 3:13

Tüshe neak rükakikhinü nüsa sheshe mulong mümüküpshihpü thsüde “Khihni” de ajikhi la khiungde nimung aban nüsa khülangnü khülang tuthsukachihang.

1 PETER 5:12

Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh.

JUDNÜ ATHRÜTKHI KIHÜM HUHTANYU 1:20

Tüshe amuzho müyamrübo, nüsanü khide amüsüh nüsa akin kheak rünkihang; Amüsüh Me ching tamkhüntamnüang;