1 KORINT 14:2 - AMÜSÜH HÜM CL Bible (BSI)

² Tümüde shepünü thiyutha chingnü thachonü mihtsürü ki yung tüshe Thrünpuh ki thachoh; shenü api manikhit, tüshe Me ching aramyu thachoh.

1 KORINT 14:2 Iomraidhean Croise

THRÜNTAN 11:7

Arang, isanü yükianü tüsho arü yutha yingyingde kamshihanü, junangde arü khülangnü khülang manikhitachihde alabah.”

THRÜNTAN 42:23

Tüshe Josepnü arü ki anikhitlah de arünü mümükheah, tümüde apinü ayihphülaprü hode arü ki asuk.

2 KIULONG THSÜRÜ 18:26

Judüki Hilkia tsührü Eliakim, Shebna, tüsho Joanü limthobuh ki tha, “Muzhobah nü yamlarübo ki Aramik yu chingnü thaang, tümüde isanü ju anikhitlah; chipi ching larü mihtsürünü sode isa ki Juda yu chingnü dütha.”

MUNGSHIKHÜN 78:2

Inü shihdanglimyu ching I mün khimshuhbah; inü adüso yo rama lakhi thabah,

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

MARK 16:17

Tüsho sherünü akinbanü amütsan harü labah: I mung chingnü arünü amünean mebo yankhitbah; arünü püpürü yuthabo thabah;

MARK 4:11

Tüsho apinü arü ki alo, “Nüsa kilim a Thrünpuh kiulongthsü aramyu mükheahpü jih-a lah; tüshe aleangkheak larü kilim a alala shihdanglimyubo chingnü ah,

YUNIRÜBO RHIMO 10:46

Tümüde arünü arübo ju püpürü yutha chingnü thade tüsho Thrünpuh shide so. Judüki Peternü khipkhit,

YUNIRÜBO RHIMO 19:6

Tüsho küyimki Paulnü arü kheak akhah nimkihkhea, Amüsüh Me arü kheak arü; arünü püpürü yuthabo chingnü thade müchit.

YUNIRÜBO RHIMO 22:9

Kheakü I lung sherü lakheanü ayin ju ngü tüshe I ki thabuh düsheak a muso.

ROMRÜ KILIM PAULNÜ ATHRÜTKHI KIHÜM HUHTANYU 16:25

Isanü Thrünpuh kilim müretah jihanü! Jisu Khrista dünkheak inü nüsa ki thiyusheak atsü thsangyuthsangrakhi tüsho ahokhi lün ashang rama lakhi thiyuro amikheak akhiukkhi yande apinü nüsa akin ching düküngde azhipshihpü kuklah.

1 KORINT 12:10

püpü kilim khinthiyinbe rhimopü, püpü kilim müchitpü, püpü kilim mebo dükeak kheahkhitkhukpü, püpü kilim thiyutha aphuaphu, püpü kilim thiyuthabo thanakpü lah.

1 KORINT 12:28

Tüsho Thrünpuhnü borü ching akhuhde amüsüh-thsangyurübo moyuk, mahnepü wukihrübo, mahsampü thsangyurübo, jushu khinthiyinbe rhimorü, jushu athsüngurü, arungachihrü, kiuthsürü, thiyutha aphuaphu ching tharübo.

1 KORINT 13:1

Inü mihtsürübo tüsho yunirü yuthabo chingnü thatha she, amuzho mülasho I ju yinchi kingkhi yungsho larüp kingachihkhi düsheak khülang ah.

1 KORINT 13:2

Tüsho müchitpü wubo, aramyu alala anikhitpü tüsho mükheahmudu alala lalashe tüsho awungbo lah-a bahpü I akin alala lalashe, amuzho mülasho I tümü müla.

1 KORINT 14:16

Nünü menü Thrünpuh ki mungshi jihsho, manikhitrü bolung larünü nünü athakhi yu mümükheahle küde thsah nünü makshe jihkhi ching “Amen” de athaba?

1 KORINT 14:26

Keoniorübo, dale tüsho tümü a? Küyimki nüsa rukhüh mukhungbanü, mihbüm aban khün, thsangdan yu, amikheak akhiukkhi, thiyutha yungsho athanakkhi lah. Harü alala borü düküngpü thsungkheak rhimobeah.

1 KORINT 15:51

Kheahang! Inü nüsa ki aramyu thachoh. Isa alala müshe, tüshe isa alala amüthribah,

1 KORINT 2:10

Thrünpuhnü Me hode isa ki akhiuka huh. Tümüde Menü lüpdükhi, Thrünpuh lümkhi asükbo she yimchoh.

1 KORINT 2:7

Tüshe isanü aramyu tüsho rama lakhi Thrünpuh lümlung, isa müretahpü lünbo müngüh Thrünpuhnü athsakhamkhi isanü tha.

EFISIA 6:19

I thsungkheak she tamkhüntamnüjang, junangde thiyusheak-atsü mulong tode azhiyukpü I mün khimshuhkhi ching thiyusheak jihbah,

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.

KOLOSI 2:2

junangde dükde anikhitkhi lakhitbo tüsho Thrünpuh mükheahmudu aramyu, Khrista lapü arü amuzho ching rukhüh kamkhinü arü mulong toshihbah.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

1 TIMOTHI 3:9

arü ju lümkhi müsühde akin aramyu ramrihrü thsübeah.

AMIKHEAKAKHIUKKHI 10:7

tüshe athünepü yunirünü hulipungpung müt nimung apinü anihbuh wukihrübo ki zhiyukkhi Thrünpuh aramyu dünjibah.