1 KORINT 14:16 - AMÜSÜH HÜM CL Bible (BSI)

¹⁶ Nünü menü Thrünpuh ki mungshi jihsho, manikhitrü bolung larünü nünü athakhi yu mümükheahle küde thsah nünü makshe jihkhi ching “Amen” de athaba?

1 KORINT 14:16 Iomraidhean Croise

1 KIULONG THSÜRÜ 1:36

Jehoiada tsührü Benaianü kiulongthsüpuh ki tha, “Ju ruk thsang! I tungpuh kiulongthsüpuh Thrünpuh, Atungpuhnü ju ruk hahmülang jihshang.

1 KIUTHSÜYUKHEAN 16:36

Akheam mülakhi chingnü akheam mülakhi khiungde, Israel Thrünpuh, Atungpuh shiang.” Judüki mihtsürü alalanü tha, “Amen!” tüsho Atungpuh shijih.

NEHEMIA 5:13

Tüsho I chim rümkhi shulünkhim dütründe inü tha, “Alokhikhi yande mürhimorü Thrünpuhnü ha ruk dütrünbah. Thrünpuhnü nüsa yambo tüsho nüsa kukruk tümü she maningshihde luakhinbah.” Mukhunga larü mihbüm abannü “Amen!” thsü tüsho Atungpuh mung shi. Tüsho limberübonü alokhikhi yande rhimo.

NEHEMIA 8:6

Ezranü tha, “Wuto Thrünpuh, Atungpuh shiang!” Mihtsürübonü khah shuhkihde alo, “Amen, Amen!” Arü miro alo lim kheahbah, khukningde kingaün.

MUNGSHIKHÜN 106:48

Atungpuh Israel Thrünpuh akheam mülakhi chingnü akheam müla khiungde shiang, Mihtsürü alalanü thashang, “Amen!” Atungpuh shiang.

MUNGSHIKHÜN 41:13

Israel Thrünpuh Atungpuh shiang! kheakü tüsho lünnü api shiang! Amen! Amen!

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

MUNGSHIKHÜN 89:52

Lünnü Atungpuh shiang! Amen! Amen!

JEREMIA 11:5

junangde khihni lakhi nangde nüsa jipürü ki niuhke tüsho mukhuke bukkhi lomi jihpü thiyuchihchimkhi inü arhimobah. Judüki inü alo, “Jude thsang, Atungpuh .”

JEREMIA 28:6

tüsho wukihbuh Jeremianü tha, “Amen! Atungpuhnü jude thsüshang; Atungpuhnü nünü müchitkhi yubo dünjishang shi, tüsho Atungpuh yam ching yo phühlungbo tüsho ramtsorü alala Babilon chingnü ha dangpung belode arüshang shi.

WÜHKHE 5:22

tüsho ha muthrumüneanbe ke nü buk ching yüzahbah bümshang tüsho nü pho dütsüpshang.” Tüsho alibenü athabah. “ Amen, jude thsüshang.”

MATHI 15:36

Jushu apinü yikhap 7 tüsho thüngühbo ju lubah makshe jih tüsho yihnakbah api jingyanrübo kilim jih; tüsho jingyanrübonü mihtsürübo kilim ahiuh.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

MARK 16:20

Arünü yü tüsho Atungpuhnü arü lung rhimode tüsho khinthiyinbebo bede arü yu mütsanmükhi jihde lüpdükhi ching thsangyuthsangra.

JOHAN 21:25

Jisunü püpü rhimokhi ahihdo lah. Jurü alala thrütkhülaa, athrütkhi hümnü alomiküp alala she mazühde alabah de inü lümchoh.

JOHAN 7:15

Tüsho Jihudarübonü müyinsahde tha, “Ha mihtsürü küyimkishe mükhele küde thsah athrütkhi mükheahla?”

YUNIRÜBO RHIMO 4:13

Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

1 KORINT 11:24

tüsho küyimki apinü makshe jihkheanü yihnak tüsho tha, “Ha athsümünimkhi I pang ah. I lümkhitde ha rhimoang.”

1 KORINT 14:14

Tümütüsho inü thiyutha chingnü tamkhüntamnüsho, I menü tamkhüntamnüchoh tüshe I lümnü a tümü müla.

1 KORINT 14:2

Tümüde shepünü thiyutha chingnü thachonü mihtsürü ki yung tüshe Thrünpuh ki thachoh; shenü api manikhit, tüshe Me ching aramyu thachoh.

1 KORINT 16:24

Jisu Khrista ching I muzho nüsa alala lung laang. Amen.

2 KORINT 1:20

Tümüde Thrünpuhnü alokhikhi alala api kheak “Am” ngüchoh. Jumonü isanü api hode Thrünpuh müretahpü lim “Amen” de thachoh.

AMIKHEAKAKHIUKKHI 22:20

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!

AMIKHEAKAKHIUKKHI 5:14

Tüsho arhang shiwühbo phüyinü tha, “Amen!” Tüsho azothsürübonü khukningbah kingaün.

AMIKHEAKAKHIUKKHI 7:12

tha, “Amen! Müngühmühi, müretah, lümlung, makshejihkhi, wüntre, wu tüsho sühmüh lünnü lün isa Atungpuh yo thsang! Amen.”