1 KORINT 13:7 - AMÜSÜH HÜM CL Bible (BSI)

⁷ Amuzhonü alala arümkheamchoh, alala akin lachoh, alala mulonglamchoh, alala rünkhiungchoh.

1 KORINT 13:7 Iomraidhean Croise

THRÜNTAN 29:20

Jumonü Jakobnü Rachel dünkheak kam thüne tankih, tüshe apinü alibe muzhokhinü jurü nimung anükhüh nangde alakheah.

JOB HU H T ANYU 13:15

Apinü I laksahsah she inü api kheak kinbah; junangde api miki I dünkheak inü athabah.

MUNGSHIKHÜN 119:66

I ki mahkhap atsü tüsho mükheahmudu thsangyuang, tümüde inü nü yukhümbo ching kinchoh.

MÜCHITMUDU 10:12

Athraneankhinü küpkhuk thurumusuchoh, tüshe amuzhonü neakbo alala lüpdochoh.

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

MARK 9:23

Jisunü api ki tha, “Nünü kinsho! Shepünü kinchonü api thsungkheak alala akukpü lah.”

ROMRÜ KILIM PAULNÜ ATHRÜTKHI KIHÜM HUHTANYU 15:1

Isa reangzahde alarünü reangmüzahrü akuk müngükhi ching arümkheambeah, tüsho isa asühpü thsungkheak yung.

ROMRÜ KILIM PAULNÜ ATHRÜTKHI KIHÜM HUHTANYU 8:24

Tümüde ha mulonglam ching isa khümkhitkheah. Angükhi mulonglam ju atsütsü mulonglam yung, tümüde apinü angükhi thsungkheak shepünü mulonglamcho?

1 KORINT 13:4

Amuzho ju arümkheam tüsho lümrhihkhi; amuzho ju mükthsü yungsho lülüshishi yung;

1 KORINT 9:12

Püpürübo nüsa kheaknü arung ngüpü ha alim lasho, isa a alünü mülabea de? Judüalalashe, isanü ha alim mahori. Tüshe Khrista thiyusheakatsü limro müyihdopü isanü lüpdükhi arümkheam.

GALATIA 6:2

Khülangnü khülang hahmülang hanrungachihang, tüsho junangde Khrista yakzan dünjishang.

YUZÜNGTHALO 1:9

Tüsho judüki inü nüsa ki thado, “I langzünü nüsa bepü khide hahmülang tolah.

YUZÜNGTHALO 22:27

tümüde apinü anihbe mükeak ching ngü, tüsho thiyu-zoa lakhi alibenü zhido, tüshe ju ching anihbe khümkhitpü she mülade alakheah.

2 TESALONIKA 1:4

Jumonü nüsanü arümde alakhi thsümüchibo tüsho küpkhukbo alala ching nüsa akin düküngkhi thsungkheak isanü Thrünpuh borübo ching nüsa dünkheaknü kükheangchoh.

2 TIMOTHI 2:24

Tüsho Atungpuh tankihrünü a murukachihbeah tüshe mihbüm aban ki muzhode, thsangyurü thsüpü thülünde arümkheam,

2 TIMOTHI 3:11

thsümüchikhi, thsünükhi, Antiok le Ikonium tüsho Lystra ching I kheak dünjibah inü arümkheamkhi mükheahdo; tütüshe jurü alala chingnü Atungpuhnü I khümkhit.

2 TIMOTHI 4:5

Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.