1 KORINT 13:6 - AMÜSÜH HÜM CL Bible (BSI)

⁶ amuzho ju amütsü ching asühkhi yung, tüshe thiyuro ching asühkhi lah.

1 KORINT 13:6 Iomraidhean Croise

MUNGSHIKHÜN 10:3

Tümüde mihbukmuyuknü api mulong künkhi ching kükheangchoh; yihnelune mihtsürünü Thrünpuh athruchoh tüsho bahyukchoh.

MUNGSHIKHÜN 119:136

I mükbo chingnü ke yungbo bukkhichoh, tümütüsho mihtsürübonü nü yakzan muzo.

ABEKHIT 18:9

Judüki Atungpuhnü Israel thsungkheak atsü rhimode Ijiprü khah chingnü arü bekhitkhi alala dünkheak Jethronü asüh.

MÜCHITMUDU 14:9

Makharünü neak ki keangrümünechoh, tüshe alungkirü lung tsüyihkhi ngüchoh.

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

HOSEA 4:8

I mihtsürübo neak chingnü arü tsühyungde lah; jumonü nüsanü alü alü arünü neak yihbeakshihnelah.

HOSEA 7:3

Arü mihbukmuyuknü arü kiulongthsüpuh, tüsho rük-thsükhinü atorübo asühshihchoh.

MIKA 7:8

I kurungkheak dasühachih, O I riri; küyimki I angakbanü, I asürübah, küyimki I amiting ching binbanü, Atungpuh ju I ki ayin labah.

MATHI 18:13

Inü nüsa ki atsütsü thachoh, apinü ju ngüsho müdükheakkhi 99 kheaknü ju namfimihnu kurungkheak alü asühachihchoh.

LUKNÜ ATHRÜTKHI THIYUSHEAK-ATSÜ HUHTANYU 22:5

Arünü asüh tüsho api kilim sho jihpü mulongkhit.

ROMRÜ KILIM PAULNÜ ATHRÜTKHI KIHÜM HUHTANYU 1:32

Sherünü jurü rhimobanü ashepü thülünlah de arünü Thrünpuh yakzan mükheahkheah she, arünü arhimokhi lang yung tüshe jurü rhimorü she alim jihchoh.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

FILIPI 1:18

Dale tümü a? Limro aban, mülapyukde yungsho thiyuro ching thsüthsü, Khrista zhiyuka lah; tüsho ju ching I asühchoh.

FILIPI 1:4

kamruhroro nüsa thsungkheak I tamkhüntamnü aban ching asühde tamkhüntamnüchoh,

FILIPI 3:18

Püpüki inü alochode nüsa ki thado tüsho kheaküshe chike bukde thachoh, ahihkhühnü Khrista sangkim yo thiriri thsüde lachoh.

2 TESALONIKA 2:12

junangde thiyuro mükinde amütsü rhimo ching asührü alala bahyukbah.

2 JOHAN 1:4

Abuhnü isa ki thiyukhüm jihkhi nangde, nü tsührü khürü thiyuro ching yande ngübah I khide asühdo.