1 KORINT 13:5 - AMÜSÜH HÜM CL Bible (BSI)

⁵ amuzho ju kükheangküyang, mükhütmüra yungsho phümüsüpbe yung; amuzhonü amülim muzochoh;

1 KORINT 13:5 Iomraidhean Croise

2 SAMUEL 10:3

Amon kiulongthsürü tsührübonü arü tungpuh Hanun ki tha, “Mulong rozhak shukheamde yunithsürü nü kilim arüshihmonü Davidnü nü buh ki akin jihchoh de atsütsü nünü lümla de? Kiuto züta kheahshihpü, tüsho yanabahpü Davidnü yunithsürübo nü kilim arüshihkhi yung de?”

JOB HU H T ANYU 21:27

O, inü nüsa lümkhibo, tüsho I amülim jihpü nüsa asahkhibo mükheahlah.

MÜCHITMUDU 14:17

Shepü sungsunglanü makhade rhimochoh, tüsho mihbukmuyuk mihtsürü lümkhi thraneanchoh.

ISAIA 3:5

Mihtsürübo mihbüm abande püpürünü tüsho mihbüm abande yamhingrünü junobah; athunurünü azothsürü ki, tüsho akheamkhirünü wüntre larü ki mükhemükimbah.

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

WÜHKHE 12:3

Mosa ju alomiküp kheak larü alala kheaknü khide azhihayih mihtsürü lakheah.

WÜHKHE 16:15

Tüsho Mosanü bukakhiukde Atungpuh ki tha, “ Arübonü kingaünkhi düleangkhi: Inü arü yo donki khülang lang she mulu, yungsho arü shepü kheak she amütsü mürhimo.”

WÜHKHE 32:6

Tüsho Mosanü Gad le Reuben tsührübo ki tha, “Nüsa keoniorübo thirithsü ching yüchoki nüsa ha ching binba de?

MATHI 5:22

Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.

MATHI 9:4

Tüshe Jisunü arü lümkhi mükheahbah tha, “Tümü thsükhi nüsa mulongbo ching amütsü lümcho?

MARK 3:5

Jumonü küyimki apinü arü mulong müküpkhinü mulong mütsüde arü kheak bukakhiukde mükamde akheahkhea, apinü mihtsürü ki ju tha, “Nü khah chungang.” Apinü chung, tüsho api khah ju püpü thrip nangde tsüabah.

LUKNÜ ATHRÜTKHI THIYUSHEAK-ATSÜ HUHTANYU 7:39

Küyimki api jiyukbuh Pharisirünü ju ngükhea, apinü aküdah thsüde tha, “Ha mihtsürü wukihrü thsüla lasho, api qiude alakhi aliberü ju küdürüanü apinü mükheah-a labeah, tümüde alibe ju aneakrü ah.”

1 KORINT 10:24

Shenü she nihbuh tsüpü yung tüshe nihbuh yamhingrü tsüpü yimang.

1 KORINT 10:33

lüpdükhi limro ching inü she mihbüm aban asühshihpü mürangchoh. Tümüde inü I tsüpü yung tüshe arübo khümkhitpü thsüde ahihdo tsüpü yimchoh.

1 KORINT 11:18

Akhuhbe ching, nüsa borü mukhungchoki, nüsa bolung achamnak lah de inü sochoh tüsho inü she anükhüh akin lah.

1 KORINT 12:25

junangde pang ching achammüzüt müla, tüshe achamnakbo khülangnü khülang rukhühnü kümachihbah.

1 KORINT 7:36

Khürünü anihbuhnü thiyu zokhi anünürü ki yakli mülakhi rhimochoh de lümsho, tüsho apinü mulong phurude yamkhün thsübeah de lümsho, apinü akünkhi rhimoshang, apinü neak müyihbeak. Ane yamkhün kamshang.

2 KORINT 5:19

juju mihtsürübonü arü azhihde neak yihbeakkhi mükhede Thrünpuhnü alomi ju Khrista ching anihbuh kilim tsüarihshih. Tüsho apinü isa kilim tsüarihkhi yusheak jihdo.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

FILIPI 2:21

Arü alalanü Jisu Khrista thsungkheak yungde arü nihbuh künkhi yimchoh.

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

2 TESALONIKA 3:7

Künangde isa kheahkhibanü nüsa küdah thsüde mükheahlah; nüsa lung isa lachoki yomuhde alakhi yung,

2 TIMOTHI 2:10

Jumonü amokhitrü dünkheaknü inü lüpdükhi arümchoh, junangde arünü she Jisu Khrista ching lün müretah akhümkhit ngübah.

2 TIMOTHI 4:16

I akhuhbe alim thade alachoki shenü she I murung; alalanü I bahbah tsodo. Ju arü ki azhihkhi dülashih.

JAKOB 1:19

Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang,