1 KORINT 13:4 - AMÜSÜH HÜM CL Bible (BSI)

⁴ Amuzho ju arümkheam tüsho lümrhihkhi; amuzho ju mükthsü yungsho lülüshishi yung;

1 KORINT 13:4 Iomraidhean Croise

THRÜNTAN 30:1

Küyimki Rachelnü Jakob kilim tsührü müzübejihkheanü anihbenü achi lungkhangde kam, tüsho Jakob ki tha, “I kilim tsührübo zübeshang, jude yungsho I ashebah!”

THRÜNTAN 37:11

Akhiung pürübonü api lungkhang, tüshe ju dünkheak abuhnü lüm ching zo.

NEHEMIA 9:17

Arünü mihyuanipü reanglo; arünü nünü arhimokhi mihdo; arünü nünü amükheahmihbe huhkhi mihdo. Arü kükheangkhi chingnü limberü mokhitbah Ijip azhorü kuhi ching belobah ayüshihpü kamshih. Tüshe nü a neak bahjihrü Thrünpuh ah; nü a mihmüthsümrü tüsho amuzhorü, arünnü bukakhiukchoh. Nü mihmüthsüm ato; jumonü nünü arü mübahyuk.

MUNGSHIKHÜN 10:5

Api limrobo kamruhroro akuk ngüchoh; nü mahkhapkhibo api mikinü changde lah; apinü anihbuh riribo alala mükhemürangchoh.

MÜCHITMUDU 10:12

Athraneankhinü küpkhuk thurumusuchoh, tüshe amuzhonü neakbo alala lüpdochoh.

MÜCHITMUDU 13:10

Lülüshishikhinü rukachihpü lang akhiukshihchoh, tüshe tsüde thsangdankhi ju lümlung ah.

MÜCHITMUDU 17:14

Rukachih tankihkhi ju ke dükhekhi nangde lah; jumonü murukachihyide ju zhipdoabahang.

MÜCHITMUDU 17:9

Shepünü alakmihkhibo neak bahjihchonü amuzho yimchoh, tüshe shepünü judürü rhimolobanü müyamrü khungbo azüshihchoh.

MÜCHITMUDU 19:22

Mihtsürü kheak tümü alunekhi lanü ju amuzho ah, tüsho akeangyu tharü kheaknü a zhochih mihtsürü atsübe.

MÜCHITMUDU 31:20

Alibenü zhochihrü tüsho müthsümülarü ki salade lah.

MÜCHITMUDU 31:26

Alibenü lümlung bede amün khimshuhchoh, tüsho anihbe mulo kheak thsangdankhi lah.

T H S AN GYU T H S AN GR ARÜ 10:4

Yakzanshuhrünü nü azhihde bukakhiuksho nü rhimo chingnü düdükhe, tümüde zhikde arümkheamkhinü alakmihkhi ato keamloshihpü kuklah.

MATHI 27:18

Tümütüsho mükthsükhinü anihbuh kilim Jisu rama jihdo de apinü mükheah.

YUNIRÜBO RHIMO 7:9

“Jakob tsührübonü Josep mükthsüde kambah api Ijip ching yin; tüshe api lung Thrünpuh lakheah,

ROMRÜ KILIM PAULNÜ ATHRÜTKHI KIHÜM HUHTANYU 1:29

Arü ju mihbukmuyuk, amütsü, yihnelune, lungchihpünü mide kam. Mükthsü, mihlaksah, rukachih, mülapmüji, mükzahlungzah, jipjiprara,

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

1 KORINT 4:18

I nüsa kilim marüpü müdam nüsa khürü a kükheangde kamdo.

1 KORINT 4:6

Keoniorübo, nüsa alü thsungkheak inü harü Apollo ki tüsho inü rhimodo, junangde nüsanü ha thakhi amütsan ike kheaknü anikhitbah, “Tümü thrüta lanü ju hode düyü.” Junangde nüsanü püpürü azhihde khülang dünkheaknü mükükheang.

1 KORINT 5:2

Tüsho nüsa kükheanglah. Nüsanü ju müthri tüzhobe yung de? Nüsa bolung shepünü ha rhimokheanü yihkhita bahang.

1 KORINT 8:1

Kheakü sangthsübo ki kingaünkhi tsühyungbe dünkheak isa alala mükheahmudu lah de inü mükheahlah. Mükheahmudunü lülüshishi kamshihchoh, tüshe amuzhonü thsükihchoh.

2 KORINT 12:20

Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah.

2 KORINT 6:6

atsangkhitkhi, mükheahmudu, arorikhi, amuzho, Amüsüh Me, atsütsü amuzho,

GALATIA 5:26

Isanü khülangnü khülang ki mükükheangnü, bukmakhiukshihnü yungsho mulungkhangnü.

EFISIA 4:2

azhihayihde tüsho tsüyihde, arümkheamde, amuzho ching khülangnü khülang arümkheamachihde,

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

FILIPI 1:15

Khürünü a mükthsü tüsho müngüh ajinde Khrista thsangyuthsangrachoh, tüshe khürü a atsü lümkhi chingnü ah.

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

KOLOSI 3:12

Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang,

1 TESALONIKA 5:14

Keoniorübo, yomuhyothsünrü athsunganahpü, mulong ninirü yanmusupü, reangmüzahrü rungpü, arü alala kheak arümkheampü isanü nüsa ki tuthsukchoh.

1 TIMOTHI 6:4

api kükheanglah tüsho tümü mümükheah; api a alanaji lümkhi amütsü tüsho atsangachihpü künkhi lah, junü mükthsü, marüpachih, dünthamungtha, mulong rüngkhi,

2 TIMOTHI 2:25

azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

2 TIMOTHI 3:10

Kheakü nünü I thsangyukhi, rhimo, I rhangdung mükkheahkih, akin, arümkheam, amuzho, arorikhi,

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

JAKOB 4:5

Yungsho amüsühyunü, “Thrünpuhnü isa kheak lashihkhi menü mükthsüpü künchoh,” de athakhi akeangkeang ah de nüsanü lümcho shi?

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

2 PETER 1:7

tüsho akinkhi ching keoniorü lümrhihkhi, tüsho keoniorü lümrhihkhi ching amuzho.

1 JOHAN 4:11

Amuzho müyamrübo, Thrünpuhnü junangde isa muzhokheasho, isanü she khülangnü khülang muzhoachihbeah.