1 KORINT 13:13 - AMÜSÜH HÜM CL Bible (BSI)

¹³ Tüsho kheakü harü mahsam lah: akin, mulonglam tüsho amuzho; tüshe harü bolung atobe ju amuzho.

1 KORINT 13:13 Iomraidhean Croise

MUNGSHIKHÜN 146:5

Shepü nihbuh arung Jakob Thrünpuh kheak lanü asühpü, shepü mulonglam Atungpuh api Thrünpuh la,

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 43:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

LUKNÜ ATHRÜTKHI THIYUSHEAK-ATSÜ HUHTANYU 10:27

Jumonü apinü alo, “‘Nünü nü mulong athrünkhinü, nü me athrünkhinü, tüsho nü sulüm athrünkhinü Atungpuh nü Thrünpuh muzhoang,’ tüsho ‘nü yamhingrü ki nihbuh nangde muzhoang.’ ”

LUKNÜ ATHRÜTKHI THIYUSHEAK-ATSÜ HUHTANYU 22:32

Tüshe nü akin mayopü thsüde inü nü thsungkheak tamkhüntamnü; tüsho küyimki nü I kilim rholobanü nü keoniorü reangzahshang.”

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

1 KORINT 14:1

Amuzho müshamang, tüsho me thsambahbo, adungto thsüde müchitpü künang.

1 KORINT 16:14

Lüpdükhi amuzho ching rhimoang.

1 KORINT 3:14

Mihtsürü khürünü khimtan kheak rhimokhi aninga lasho, apinü thsambah khülang leangkhibah.

1 KORINT 8:1

Kheakü sangthsübo ki kingaünkhi tsühyungbe dünkheak isa alala mükheahmudu lah de inü mükheahlah. Mükheahmudunü lülüshishi kamshihchoh, tüshe amuzhonü thsükihchoh.

1 KORINT 8:3

Tüshe khürünü Thrünpuh muzhosho, apinü anihbuh mükheahlah.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

2 KORINT 5:15

Tüsho alala dünkheaknü api she, junangde sherü rhangdung lanü kheaküa nihbuh thsungkheak müla tüshe arü dünkheak shebah arhang kamlobuh thsungkheak labah.

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

FILIPI 1:9

Tüsho nüsa amuzho ju mükheahmudu tüsho mütsankhitpü bede alü zokihpü I tamkhüntamnü lah,

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 1:5

thiyuro thiyusheak-atsü yu ching nüsanü akhuhlim sokhi yinmi ching nüsa thsungkheak zojihkhi mulonglam dünkheaknü,

KOLOSI 3:14

Tüsho harü alala kurungkheak, tsüdakde arihakokhi ching lüpdükhi rhükrukhi amuzho yihang.

1 TESALONIKA 1:3

nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

1 TESALONIKA 5:8

Tüshe isa ju animung yo a le, isanü rhüngrhünganü, tüsho akin tüsho amuzho treangkhümbe yihanü, tüshe akhümkhit mulonglam thsungkheak yinchikuthran thrananü.

1 TIMOTHI 1:5

Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

2 TIMOTHI 1:7

tümüde Thrünpuhnü isa kilim trechihtrean me jihkhi yung tüshe wu, amuzho tüsho zangrü danyukkhi me ah.

IBRI 10:35

jumonü thsambah ato lakhi nüsa mulongram dübah.

IBRI 10:39

Tüshe isa a tuklode tsobah adükheakrü yung, tüshe akin lah tüsho khümkhita lah.

IBRI 6:11

Nüsa mulonglam mütsanpü thsüde, nüsa mihbüm abannü ha ruk düshihde akheam khiungde huhshihnelah,

IBRI 6:19

Isa ha mulonglam me thsungkheaknü, atholobe adüküng tüsho mulong tokhi lah. Ha alungbe arüngakopung ching zhindokhim dunglim yüzahchoh.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 JOHAN 2:10

Shepünü nihbuh keoniorü muzhochonü ayin ching lah, tüsho ju ching jing mükheshihbe müla.

1 JOHAN 2:14

Buhrübo, inü nüsa kilim thrütchoh, tümütüsho shepü atankih chingnü alakheanü nüsanü mükheahlah. Athrününgtsüngbo, inü nüsa kilim thrütchoh, tümütüsho nüsa sühmüh lah, tüsho Thrünpuh yu nüsa kheak lah, tüsho nüsanü amütsübe chingnü tsokhitdo.

1 JOHAN 2:24

Atankih chingnü nüsanü tümü sodünü nüsa kheak lashang. Nüsanü atankih chingnü asokhi nüsa kheak lasho, nüsanü atsührü tüsho Abuh kheak labah.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.

1 JOHAN 3:9

Thrünpuh tsührü shenü she neak müyihbeakchoh, tümüde api kheak Thrünpuh yakli lah, tüsho apinü neak yihbeakpü mukuk tümütüsho api ju Thrünpuh tsührü ah.