1 KORINT 13:12 - AMÜSÜH HÜM CL Bible (BSI)

¹² Tümüde kheakü isanü meayinpung ching thrimthrimde ngüchoh, tüshe judüki isanü mironü miro ngübah. Kheakü inü chama lang mükheahlah; judüki I mükheahrama lakhi nangde inü mükheahramde amükheahbah.

1 KORINT 13:12 Iomraidhean Croise

THRÜNTAN 32:30

Jakobnü ju dangpung mung Peniel de ji: “Tümüde inü mironü miro Thrünpuh ngüdo, tüshe I rhangdung aninga lah.”

JOB HU H T ANYU 19:26

tüsho I küp ha thsümünimshu, I shih hanü inü Thrünpuh ngübah,

JOB HU H T ANYU 36:26

Tsükjide Thrünpuh ju ato ah tüsho isanü api mümükheah; api kambo khekhi müyimkhuk.

ABEKHIT 33:11

Mihtsürünü müyamrü ki asukachihkhi nangde Atungpuhnü Mosa ki miro le miro asukachihde alakheah. Jushu Mosanü binkheampung lim alode yü, tüshe api rungbuh Nun tsührü athrününgtsüng Jihusua a khimyam chingnü makhin.

EZEKIEL 17:2

Mihtsürü tsührü, Israel yamkhün ki lümshangmang khülang keoang tüsho shihdanglimyu khülang thaang.

WÜHKHE 12:8

Jumonü inü api kheak mironü miro khipkhitde asukachih, neamneamde yung; tüsho apinü Atungpuh pang she ngüdo. Jumonü tümüde nükenü I yamlarü Mosa azhihde athapü mütrekhea?”

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

MATHI 5:8

Mulong müsühde alarübo asühpü, tümüde arünü Thrünpuh ngübah.

JOHAN 10:15

I Buhnü I mükheahkhi nangde, inü I Buh mükheahlah; tüsho inü namfimihnubo thsungkheak I rhangdung jihchoh.

ROMRÜ KILIM PAULNÜ ATHRÜTKHI KIHÜM HUHTANYU 8:18

Kheakü isa thsünükhibo ha isa ki akhiukpü lakhi müretah lung akepü müthülün de inü lümchoh.

1 KORINT 13:11

Küyimki I azürü lakhea, I yu thakhi, I anikhitkhi, I lümkhi azürü nangde alakheah, küyimki I azorü kamkheanü, inü azürü yaklibo bah.

1 KORINT 8:3

Tüshe khürünü Thrünpuh muzhosho, apinü anihbuh mükheahlah.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 5:7

tümüde isa akinnü tsahchoh, angükhinü yung.

FILIPI 3:12

I ha ngüabahdo yungsho I khiukdahabahdo de yung; tüshe inü ju tholopü mürangchoh, tümütüsho Khristanü she I tholodo.

JAKOB 1:23

Tümüde khürü thiyu sorü thsübah arhimorü yungsho, api ju meayinpung ching miro tsütsü ayinkhi mihtsürü kiphahlah;

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

AMIKHEAKAKHIUKKHI 22:4

arünü api miro ngübah, tüsho arü kingkangbo kheak api mung labah.