1 KORINT 13:1 - AMÜSÜH HÜM CL Bible (BSI)

¹ Inü mihtsürübo tüsho yunirü yuthabo chingnü thatha she, amuzho mülasho I ju yinchi kingkhi yungsho larüp kingachihkhi düsheak khülang ah.

1 KORINT 13:1 Iomraidhean Croise

MUNGSHIKHÜN 150:5

Larüpbo düsheaknü api shiang; larüpbo kingde api shiang!

MATHI 25:45

Apinü arü ki alode athabah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak mürhimokheanü, nüsanü I thsungkheak mürhimo.’

MARK 16:17

Tüsho sherünü akinbanü amütsan harü labah: I mung chingnü arünü amünean mebo yankhitbah; arünü püpürü yuthabo thabah;

ROMRÜ KILIM PAULNÜ ATHRÜTKHI KIHÜM HUHTANYU 14:15

Nünü atsühkhinü nü keoniorü yurisho, kheaküa nü amuzho ching mütsahchoh. Nünü atsühkhi junü shepü dünkheak Khrista shekheanü api düyurishih.

1 KORINT 12:10

püpü kilim khinthiyinbe rhimopü, püpü kilim müchitpü, püpü kilim mebo dükeak kheahkhitkhukpü, püpü kilim thiyutha aphuaphu, püpü kilim thiyuthabo thanakpü lah.

1 KORINT 12:16

Tüsho nükhünnü, “Tümütüsho I a mük yungle pang yo yung,” de athamonü ju pang yo yung düpü?

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

1 KORINT 13:8

Amuzho küyimkishe mükheam; tümüde müchitkhibo hode tsoabahbah; thiyuthabo arün thsübah; mükheahmudu hode tsoabahbah.

1 KORINT 14:2

Tümüde shepünü thiyutha chingnü thachonü mihtsürü ki yung tüshe Thrünpuh ki thachoh; shenü api manikhit, tüshe Me ching aramyu thachoh.

1 KORINT 14:4

Shepünü thiyutha thachonü nihbuh runglochoh, tüshe shepünü müchitchonü borü düküngshihchoh.

1 KORINT 14:5

Kheakü inü nüsa alalanü thiyutha ching thashihnelah, tüshe alü müchitshihnelah. Athanakrü khürü labah borü düküngshihpü müthsüsho, shepünü müchitchonü thiyutha chingnü atharü kheaknü atobe ah.

1 KORINT 8:1

Kheakü sangthsübo ki kingaünkhi tsühyungbe dünkheak isa alala mükheahmudu lah de inü mükheahlah. Mükheahmudunü lülüshishi kamshihchoh, tüshe amuzhonü thsükihchoh.

2 KORINT 12:4

tüsho mihtsürü münnü müthakhukbe tümüanü apinü so.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

1 TIMOTHI 1:5

Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

AMIKHEAKAKHIUKKHI 14:2

Tüsho inü yinmi chingnü ke ahihkhüh tüsho tsüngmuk düsheak ato nangde so; inü asokhi düsheak ju khün-khungrünü arü bingkhung khungkhi nangde alakheah,