1 KORINT 12:27 - AMÜSÜH HÜM CL Bible (BSI)

²⁷ Kheakü nüsa ju Khrista pang ah tüsho mihbüm abannü ju lung shihcham ah.

1 KORINT 12:27 Iomraidhean Croise

ROMRÜ KILIM PAULNÜ ATHRÜTKHI KIHÜM HUHTANYU 12:5

junangde isa ahihdo thsüa lalashe Khrista ching khülang ah, tüsho khülangnü khülang kheak chingkihlah.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 10:17

Tümütüsho yikhap khülang a le, isa ahihkhüh ju pang khülang ah, tümüde isa alalanü yikhap khülang chingnü lang chamachihchoh.

1 KORINT 12:12

Pang khülang tüsho achamnak ahihdo, pang yo achamnak ahihdo lalashe pang khülang lakhi nangde Khrista she ju ruk ah.

1 KORINT 12:26

Achamnak khülang thsünüsho, alala rukhüh thsünüchoh; achamnak khülang wüntre jihsho, alala rukhüh asühachihchoh.

1 KORINT 6:15

Nüsa pangbo ju Khrista pang ching shihchambo ah de nüsanü mümükheah de? Inü Khrista pang shihcham khülang lubah müzammüramrü pang lung shihcham kamshihba shi? Küyimkishe yung!

EFISIA 1:23

Borü ju Khrista pang, alala mishihbuh api abanathsangkhi lah.

EFISIA 4:12

tankih rhimo thsungkheak amüsührü düküngshihpü, Khrista pang zokihshihpü,

EFISIA 5:23

Khrista ju api pang borü aku tüsho akhümkhitrü thsükhi nangde, niubuhrü ju niuberü kumung aku ah.

EFISIA 5:30

tümütüsho isa ju api pang ching kheyukrü ah.

KOLOSI 1:18

Api ju borü, pang yo aku ah; api ju atankih, asherü bolungnü adüjibuh, junangde lüpdükhi ching apinü kihokhi labah.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

KOLOSI 2:19

tüsho Thrünpuhnü azoshihkhi pang abümnü, amüchinbo tüsho sühbonü tholobah alakhi yo aku kheak düküngde mutholo.