1 KORINT 11:32 - AMÜSÜH HÜM CL Bible (BSI)

³² Tüshe küyimki Atungpuhnü isa yukhapbanü, isa danyuka lah, junangde alomi lung isa mübahyuk.

1 KORINT 11:32 Iomraidhean Croise

2 SAMUEL 7:14

I api abuh thsübah, tüsho api I tsührü thsübah. Küyimki apinü amülim rhimobanü, mihtsürünü shuhbah arhapbe tsonü api thsümüchibah.

MUNGSHIKHÜN 118:18

Atungpuhnü I khitode thsümüchido, tüshe apinü I müsheshih.

ISAIA 1:5

Tümüde nüsanü kheaküshe laka lupü yimcho? Tümüde nüsanü mutuklode azhihcho? Ku abümnü tukthsülah, tüsho mulong abümnü keahkhichoh.

JEREMIA 7:28

Nünü arü ki thabah: Ha Atungpuh arü Thrünpuh yu manikhi trükshih tüsho yakli danyukkhi müleangkhi; thiyuro dükheakdo; ha arünü müthadebah.

ZEPHANIA 3:2

Hanü tümü düsheak mani; hanü athsülangkhi müleangkhi. Hanü Atungpuh kheak mükin; hanü nihbuh Thrünpuh kilim phünide müyü.

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

ROMRÜ KILIM PAULNÜ ATHRÜTKHI KIHÜM HUHTANYU 5:16

Tüsho akeang thsambah ju mihtsürü khülang neaknü adünjishihkhi nangde yung, tümüde khülangnü alakmihkhi mahkhapnü abahyukkhi hande arü, tüshe ahihdo lakmihkhi dunglim akeang thsambahnü alim mütsanjihkhi hande arüchoh.

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

1 KORINT 1:21

Tümütüsho Thrünpuh lümlung ching, alominü arü lümlung hode Thrünpuh mümükheah, tüshe akinrü khümkhitpü isanü thsangyuthsangrakhi makha yu hode Thrünpuh asühshih.

1 KORINT 11:30

Jumonü nüsa ahihkhüh yiuhyiuhlah tüsho tukthsülah, tüsho khürü shedo.

1 KORINT 11:31

Tüshe isanü nihbuh akeakheah-a lasho, isa yumükhap.

1 KORINT 11:33

Jumonü keoniorübo, küyimki nüsa tsühyungpü mukhungbanü aleangachihang.

YUZÜNGTHALO 8:5

Jumonü nüsa mulong ching mükheahang, mihtsürü khülangnü atsührü danyukkhi nangde, Atungpuh nüsa Thrünpuhnü nüsa danyukchoh.

1 TIMOTHI 1:20

Arü bolung mathruajipü anikhitshihpü thsüde inü amünean kilim jihkhi ju Mymenia tüsho Alexander ah.

1 JOHAN 5:19

Isa Thrünpuh yo, tüsho alomiküp athrünkhi amünean wu ching lah de isanü mükheahlah.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.