1 KORINT 11:30 - AMÜSÜH HÜM CL Bible (BSI)

³⁰ Jumonü nüsa ahihkhüh yiuhyiuhlah tüsho tukthsülah, tüsho khürü shedo.

1 KORINT 11:30 Iomraidhean Croise

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

WÜHKHE 20:12

Tüshe Atungpuhnü Mosa tüsho Aron ki tha, “ Tümütüsho nükenü Israelrü mük ki I amüsüh de akin jihde muhuh, jumonü nükenü harü boto inü arü kilim jihpü alokhikhi lomi ching bebah müyü.”

WÜHKHE 20:24

“ Aron a nihbuh mihtsürü bolung yübah, tüsho inü Israel mihtsürübo kilim jihpü alokhikhi lo ching api müyüzah, nükenü Meriba ke ching I yu azhihdo.

YUNIRÜBO RHIMO 13:36

Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah;

YUNIRÜBO RHIMO 7:60

Tüsho apinü khukningbah düsheak achangnü zhi, “Atungpuh, arü azhihde ha neak dülümkhitjih.” Küyimki apinü ha thakhea, api sheabah.

1 KORINT 11:29

Tümütüsho shepünü Atungpuh pang mümütsande tsühcho tüsho yungchonü nihbuh kheak thiyukhap hande arüchoh.

1 KORINT 11:31

Tüshe isanü nihbuh akeakheah-a lasho, isa yumükhap.

1 KORINT 11:32

Tüshe küyimki Atungpuhnü isa yukhapbanü, isa danyuka lah, junangde alomi lung isa mübahyuk.

1 KORINT 15:51

Kheahang! Inü nüsa ki aramyu thachoh. Isa alala müshe, tüshe isa alala amüthribah,

1 TESALONIKA 4:14

Tümütüsho Jisu shebah arhang kamlokheah de isanü kinlah, junangde Jisu hode Thrünpuhnü api lung asherübo bede arübah.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.