1 KORINT 11:3 - AMÜSÜH HÜM CL Bible (BSI)

³ Tüshe mihtsürü aban kurungkheak aku ju Khrista, aliberü kurungkheak aku ju aniubuh, tüsho Khrista kurungkheak Thrünpuh ah de nüsanü anikhitshihnelah.

1 KORINT 11:3 Iomraidhean Croise

THRÜNTAN 3:16

Apinü alibe ki tha, “Inü nü khungarü hankhi thsünü alü kamshihbah; nü thsünüsahde khungarü zübebah; jude thsüthsü she nü niubuh mürühpü nü kheak labah, tüshe apinü nü kurungkheak yakzan shuhbah.”

ISAIA 52:13

Kheahang, I yamlarü kukzamde alabah; api shuhkihbah tüsho bekihbah tüsho khide achang labah.

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

JOHAN 14:28

Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

1 KORINT 3:23

tüsho nüsa ju Khrista yo; tüsho Khrista ju Thrünpuh yo.

EFISIA 4:15

Tüshe amuzho ching thiyuro thade, Khrista aku thsübah alakhi limro aban ching isa zokihbah.

KOLOSI 1:18

Api ju borü, pang yo aku ah; api ju atankih, asherü bolungnü adüjibuh, junangde lüpdükhi ching apinü kihokhi labah.

KOLOSI 2:10

tüsho thiyuzüng le thiyukhüm-sühmüh alala kurung aku labuh kheak nüsa rhangdung abanathsangkhi kamdo.

KOLOSI 2:19

tüsho Thrünpuhnü azoshihkhi pang abümnü, amüchinbo tüsho sühbonü tholobah alakhi yo aku kheak düküngde mutholo.

KOLOSI 3:18

Niuberübo, Atungpuh kheak ayekhi nangde nüsa niubuhrü bukkhüp laang.

1 PETER 3:1

Niuberübo, junangde nüsanü nüsa niubuhrü bukkhüp laang, jude athsükhinü khürünü thiyu mania lalashe, thiyu mübede arü niuberü yakli hode arübo kuka lubah,