1 KORINT 10:17 - AMÜSÜH HÜM CL Bible (BSI)

¹⁷ Tümütüsho yikhap khülang a le, isa ahihkhüh ju pang khülang ah, tümüde isa alalanü yikhap khülang chingnü lang chamachihchoh.

1 KORINT 10:17 Iomraidhean Croise

ROMRÜ KILIM PAULNÜ ATHRÜTKHI KIHÜM HUHTANYU 12:5

junangde isa ahihdo thsüa lalashe Khrista ching khülang ah, tüsho khülangnü khülang kheak chingkihlah.

1 KORINT 10:21

Nüsanü Atungpuh pung tüsho arimri pung muyungkhuk. Nüsanü Atungpuh tüsho arimribo dükhüm kheak müyimtsühkhuk.

1 KORINT 12:12

Pang khülang tüsho achamnak ahihdo, pang yo achamnak ahihdo lalashe pang khülang lakhi nangde Khrista she ju ruk ah.

1 KORINT 12:27

Kheakü nüsa ju Khrista pang ah tüsho mihbüm abannü ju lung shihcham ah.

EFISIA 3:6

junangde khiungkerü ju rukhüh yamrüplurüp lurü, pang rukhüh ching kheyukrü, tüsho thiyusheak-atsü hode Jisu Khrista ching alokhikhi shihcham lurü ah.

EFISIA 4:16

Api kilimnü pang abümnü, müchina tüsho awuhrupung wuhrude, shihcham thsükhi abannü tsüde rhimosho, pang abümnü zochoh tüsho amuzho hode aküdahnü zokihchoh.

EFISIA 4:25

Jumonü arükchih lakhi bahbah mihbüm abannü yamhingrü ki thiyuro thaang, tümüde isa rukhüh kheyukrü ah.

EFISIA 4:4

Nüsa mulonglam khülang ching jia lakhi nangde pang khülang tüsho Me khülang,

KOLOSI 2:19

tüsho Thrünpuhnü azoshihkhi pang abümnü, amüchinbo tüsho sühbonü tholobah alakhi yo aku kheak düküngde mutholo.

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.

KOLOSI 3:15

Tüsho nüsa pang khülang ching jikhi, Khrista mungtsünü nüsa mulongbo ching yakzan shuhshang. Tüsho makshe jihde laang.