1 KORINT 10:13 - AMÜSÜH HÜM CL Bible (BSI)

¹³ Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

1 KORINT 10:13 Iomraidhean Croise

MUNGSHIKHÜN 124:7

Isa mebo ju wuhnu-thsürübo qimürip chingnü wuhnu khülang nangde tsokhitdo; qimürip zhakdo tüsho isa tsokhitdo.

MUNGSHIKHÜN 125:3

Tümüde mihbukmuyuk tso thiyuro-lungkirü khilim akhukhi lomi kheak mükeam, jude yungsho thiyuro-lungkirünü amülim kheak arü khahnü aqiubah.

MUNGSHIKHÜN 36:5

O Atungpuh , nü muzhodakkhi yinmibo, nü thiyuro-lakhinü thüningbo khiunglah.

MUNGSHIKHÜN 89:33

Judüalalashe I mihmuzho inü api kheaknü shahde muluakhin, yungsho I thiyuro lakhi mülade müthsüshih.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ISAIA 11:5

Thiyuro-lungki api shahmo-rümbe thsübah, tüsho athülünkhinü api chimrümbe thsübah.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

JEREMIA 12:5

Nünü jingnü alihrü lung alihbah keaksho, küde thsah nünü khorabo lung azhihba? Tüsho müsürikhi mükeak ching nü angaksho, Jordan mütüm ching nünü küde athsüpü?

JEREMIA 29:11

Tümüde inü nüsa thsungkheak lümkhi thsükhi inü mükheahlah, Atungpuhnü thachoh, nüsa arung thsungkheak lümkhibo tüsho athsümünimpü yung, nüsa kilim arübe mulonglam jihpü lah.

TÜZHOKHI 3:23

arübo yapsu aban aso lah; nü thülünkhi ju ato ah.

DANIEL 3:17

Isa motru ching ramyuksho, isanü tankihkhi Thrünpuhnü isa ju chingnü khümkhitkhuklah, tüsho Apinü isa nü khah chingnü bekhitbah, O kiulongthsüpuh.

HOSEA 2:20

Inü nü athülünkhi chingnü I niube thsüpü lubah; tüsho nünü Atungpuh mükheahbah.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

LUKNÜ ATHRÜTKHI THIYUSHEAK-ATSÜ HUHTANYU 11:4

Isa azhihde neak yihbeakrü ki isanü neak bahjihkhi nangde isa neakbo bahjang. Tüsho rükakinü isa dübeshih, tüshe amütsübe chingnü isa bekhitang.’ ”

LUKNÜ ATHRÜTKHI THIYUSHEAK-ATSÜ HUHTANYU 16:26

Tüsho ha alala kheak khiode, isa le nüsa dükeak asük ato lah, junangde ha chingnü nüsa kilim hode ayüpü künrünü mukuk yungsho ju chingnü isa kilim marükhuk.’

LUKNÜ ATHRÜTKHI THIYUSHEAK-ATSÜ HUHTANYU 22:46

Judüki apinü arü ki tha, “Tümüde nüsanü yapcho? Asürang tüsho tamkhüntamnüang, jude yungsho nüsa rükaki ching yüzahbah.”

YUNIRÜBO RHIMO 27:44

Aningkhibo ju sangbeak le sangkung yihthünakkhibo kheak lakheah. Tüsho junangde alala tsokhitde alo kheak yü.

1 KORINT 1:9

Api tsührü isa Atungpuh Jisu Khrista arihako ching nüsa jikhi Thrünpuh ju thiyuro ah.

2 KORINT 1:10

apinü ashepü akhito chingnü bekhit, tüsho isa bekhitchoh; isanü api kheak kinchoh junangde kheaküshe apinü isa bekhitchoh.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;

1 TESALONIKA 5:24

Shepünü nüsa jichonü thiyuro lah, tüsho apinü ju rhimobah.

2 TESALONIKA 3:3

Tüshe Atungpuh a thiyuro ah; apinü nüsa düküngshihbah tüsho amütsü chingnü nüsa aheangbah.

2 TIMOTHI 4:18

Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.

IBRI 10:23

Isanü maphapde isa mulonglam alokhikhi kheak düküngde ramrihanü, tümüde shepünü alokhikheanü thiyuro lah;

IBRI 11:11

Akin hode Saranü anihbe ashinshu she mübünkeangpü wu leangkhi, tümütüsho anihbenü alokhibuh ju thiyuro lakhi khejih.

IBRI 12:4

Neak bede shochihkhi ching nüsanü thiyih bukpü khiungde mazhihyi.

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

1 PETER 4:19

Jumonü sherü Thrünpuh lümkhi yande thsünüchonü thiyuro Athrünrü kilim arü shuhmülanga jihang tüsho mutuklode atsü rhimobeah.

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.

1 SAMUEL 29:10

Dale kheakü nü tüsho nü lung arükhi nü tungpuh yamlarübo yapsu mükihde asürang, tüsho inü nü ki akhukhi dangpung ching yüang. Amütsü yusheakbo mulong ching dühan, tümüde nünü I miki tsüde rhimodo. Yapsu mükikde ayinkhi akede tsoang.”