1 KORINT 10:11 - AMÜSÜH HÜM CL Bible (BSI)

¹¹ Kheakü arübo ki harü atünadopü dünji, tüshe akheam lün arüa larü isabo thsungkheak thsangdanpü harü thrüt.

1 KORINT 10:11 Iomraidhean Croise

THRÜNTAN 19:35

Jumonü anenü ju re she ane abuh yukhu duh, tüsho akheambe yübah api lung yap, tüsho alibe küyimki yapkhea tüsho küyimki wusukheanü apinü mümükheah.

MUNGSHIKHÜN 102:18

Ha arübe lünbo thsungkheak thrütbah, junangde müthrünyide alakhi mihtsürünü Atungpuh shibah.

EZEKIEL 5:15

Küyimki I bukakhiukde tüsho mulong zhipzhipde nü thsümüchibanü, nü mühi lakhi trükshih alalanü atrebah. Arünü nü kheak thraneande luhmünebah.

MATHI 13:39

Thiriri shepünü jurü hiukheanü arimri, yimlupü ju lün akheam, tüsho yimlurübo ju yunirübo.

MATHI 13:40

Jumonü muthsuaberimbo hanmukhungbah mo ching takkhi nangde, ha lün akheam ching dünjibah.

ROMRÜ KILIM PAULNÜ ATHRÜTKHI KIHÜM HUHTANYU 13:11

Ha kheak khiode ha kim tümü a, kheakü künangde ayapkhi chingnü asürüpü kim khiuka lanü nünü mükheahlah, tümüde akhümkhit ju isanü atan kinkhi kheaknü athüninbe lah;

ROMRÜ KILIM PAULNÜ ATHRÜTKHI KIHÜM HUHTANYU 13:12

azhing tsodo, animung thünina lah. Jumonü isanü azhing rhimobo tukloanü tüsho ayin zülu yihanü;

ROMRÜ KILIM PAULNÜ ATHRÜTKHI KIHÜM HUHTANYU 15:4

Tümüpürü adüso nimungbo ching thrütkheanü, isa thsangyupü thsungkheak lakheah, junangde amüsühyu düküngkhi tüsho tuthsukkhinü isa mulonglam labah.

ROMRÜ KILIM PAULNÜ ATHRÜTKHI KIHÜM HUHTANYU 4:23

Kheakü api ki khejihkhi anihbuh thsungkheak lang athrütkhi yung,

1 KORINT 10:6

Kheakü harü ha arünü amütsü rhimokhi nangde mükünpü isa thsungkheak dühdükhi lah.

1 KORINT 7:29

Keoniorübo, ju amütsan akhukhi kim khide khihabahdo; kheakünü rünbah sherü niuberü lanü arünü mülakhi nangde,

1 KORINT 9:10

Atsütsü apinü isa dünkheak thachoh yung de? Ha isa dünkheak thrüta lah, tümütüsho wochakrü tüsho yimlurünü hi shihcham ching mulonglamde arhimobeah.

GALATIA 4:24

Ha müchityu ah: aliberübo ju tangzüng mahne ah. Khülang Sinai Müzüng chingnü, azhorü tsührübo zübecho; alibe ju Hagar.

FILIPI 4:5

Nüsa arümkheamachihkhi alalanü mükheahshang. Atungpuh thüninde lah.

IBRI 10:25

khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.

IBRI 10:37

Amüsühyunü thachoh, “Tümütüsho anükhühkheak labah, shepü arüde lanü mashude arübah;

1 JOHAN 2:18

Azürübo, ha akheam kim ah; Khrista azhihrü arüchoh de nüsanü asokhi nangde kheakü Khrista azhihrü ahihkhüh arüdo; jumonü ha akheam kim ah de isanü mükheahlah.