1 KORINT 1:9 - AMÜSÜH HÜM CL Bible (BSI)

⁹ Api tsührü isa Atungpuh Jisu Khrista arihako ching nüsa jikhi Thrünpuh ju thiyuro ah.

1 KORINT 1:9 Iomraidhean Croise

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

ISAIA 11:5

Thiyuro-lungki api shahmo-rümbe thsübah, tüsho athülünkhinü api chimrümbe thsübah.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

JOHAN 17:21

junangde nü, Abuh I kheak, tüsho I nü kheak lakhi nangde arü alala khülang labah; isa nangde arü she khülang labah, junangde nünü I thiyikheah de alominü akinbah.

ROMRÜ KILIM PAULNÜ ATHRÜTKHI KIHÜM HUHTANYU 11:17

Akhimkhi oliv-dung khürü akhah yihshak, tüsho ju ching mütüm oliv-dung khah müchin. Nüsa khiungkerü ju mütüm oliv-dung kiphahlah, tüsho kheakü nüsanü Jihudarü rhangdung me düküngkhi ching shihcham luchoh.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 8:30

Tüsho apinü mokhita larü apinü ji; tüsho apinü jia larü alim mütsanjih; tüsho apinü alim mütsanjih-a larü apinü müretahshih.

ROMRÜ KILIM PAULNÜ ATHRÜTKHI KIHÜM HUHTANYU 9:24

Tümüde isa ju Jihudarü chingnü lang yungde khiungkerü chingnü she apinü ajikhi mihtsürübo ah.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

1 KORINT 10:16

Isanü müngühjihkhi müngühmühi pung ju Khrista thiyih ching shihcham lukhi yung de? Isanü ayihnakkhi yikhap ju Khrista pang ching shihcham lukhi yung de?

2 KORINT 1:18

Atsütsü Thrünpuh ju thiyuro lakhinü, nüsa kilim isa yu “Am” tüsho “Yung” de mülakheah.

GALATIA 1:15

Tüshe küyimki api amüthsüm hode I be buk chingnü I mokhitde ajibuh Thrünpuh asühkhinü,

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

EFISIA 3:6

junangde khiungkerü ju rukhüh yamrüplurüp lurü, pang rukhüh ching kheyukrü, tüsho thiyusheak-atsü hode Jisu Khrista ching alokhikhi shihcham lurü ah.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

1 TESALONIKA 2:12

Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.

2 TESALONIKA 2:14

Nüsanü isa Atungpuh Jisu Khrista müretahkhi ngüpü thsüde isanü thsangyuthsangrakhi thiyusheak-atsü hode nüsa ha ching jikheah.

2 TESALONIKA 3:3

Tüshe Atungpuh a thiyuro ah; apinü nüsa düküngshihbah tüsho amütsü chingnü nüsa aheangbah.

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

2 TIMOTHI 2:13

isa thiyuro mülachoki, api a thiyuro labah, tümüde apinü aküdahnü amülim thsüpü mukuk.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

IBRI 10:23

Isanü maphapde isa mulonglam alokhikhi kheak düküngde ramrihanü, tümüde shepünü alokhikheanü thiyuro lah;

IBRI 11:11

Akin hode Saranü anihbe ashinshu she mübünkeangpü wu leangkhi, tümütüsho anihbenü alokhibuh ju thiyuro lakhi khejih.

IBRI 2:17

Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

IBRI 3:14

Tümüde isanü akhuhbe mulongram lakhi ju akheam khiungde düküngde ramrihsho, isanü Khrista lung shihcham luchoh.

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 4:13

Ha hode isa api kheak lah tüsho api isa kheak lah de isanü mükheahlah, tümütüsho apinü api Me isa kilim jih.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.