1 KORINT 1:30 - AMÜSÜH HÜM CL Bible (BSI)

³⁰ Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

1 KORINT 1:30 Iomraidhean Croise

MÜCHITMUDU 1:20

Lümlungnü kiudunglimrobo ching achangnü jichoh; anihbenü wungdophulung ching adüsheak zhichoh.

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

MÜCHITMUDU 8:5

O nüsa lümthülihrübo, lümlung anikhitang, tüsho nüsa makharübo, anikhitkhi mulong thsang.

ISAIA 11:2

Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

JEREMIA 33:16

Ju nimungbo ching Juda khümkhitbah tüsho Jirusalem sühakhim ching labah. Tüsho arünü tamde ajipü mung ha: “Atungpuh ju isa thiyuro-lungki.”

DANIEL 2:20

Danielnü tha: “ Lün chingnü lün Thrünpuh mung müngühmühi thsang, tümüde lümlung tüsho wu api yo ah.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

MATHI 1:21

Alibenü tsührü khülang zübebah, tüsho nünü api mung Jisu de ajibah, tümüde apinü anihbuh mihtsürü arü neakbo chingnü khümkhitbah.”

LUKNÜ ATHRÜTKHI THIYUSHEAK-ATSÜ HUHTANYU 11:49

Jumonü Thrünpuh lümlungnü thachoh, ‘Inü arü kilim wukihrübo tüsho amüsüh-thsangyurübo yüshihbah, tüsho arünü arü khürü laksahbah tüsho thsümüchibah.’

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 17:26

Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”

JOHAN 17:8

Tümüde nünü I kilim jihkhi yubo inü arü kilim jihdo; arünü jurü leangkhido, tüsho I ju nü kilimnü arükheah de tsükjide mükheahdo; tüsho nünü I thiyikheah de arünü kindo.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

ROMRÜ KILIM PAULNÜ ATHRÜTKHI KIHÜM HUHTANYU 1:17

Tümüde ju ching Thrünpuh thiyuro-lungki ju akin chingnü akin hode akhiuka lah; ha thrüta lah, “Shepü thiyurolungkianü akin hode arhang alabah.”

ROMRÜ KILIM PAULNÜ ATHRÜTKHI KIHÜM HUHTANYU 11:36

Tümüde lüpdükhi api kilimnü, api hode tüsho api kilim lah. Lünnü api müretahshang. Amen.

ROMRÜ KILIM PAULNÜ ATHRÜTKHI KIHÜM HUHTANYU 12:5

junangde isa ahihdo thsüa lalashe Khrista ching khülang ah, tüsho khülangnü khülang kheak chingkihlah.

ROMRÜ KILIM PAULNÜ ATHRÜTKHI KIHÜM HUHTANYU 16:11

I keoniorü Herodion ki salüm jihang. Narkisa yamkhün ching Khristan keoniorübo ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 16:7

I keoniorü tüsho rukhüh aramrübo Andronika tüsho Junia ki salüm jihang; ane ju amüsüh-thsangyurü bolung amükheahkhi tüsho I müngüh Khrista ching lakheah.

ROMRÜ KILIM PAULNÜ ATHRÜTKHI KIHÜM HUHTANYU 4:25

Api ju isa neakbo dünkheak ashepü ching jih tüsho isa alim kamshihpü thsungkheak arhang kamloshih.

ROMRÜ KILIM PAULNÜ ATHRÜTKHI KIHÜM HUHTANYU 4:6

Junangde rhimo kheaknü büthsüde mihtsürü kilim Thrünpuhnü thiyuro-lungki khejihkhi Davidnü she müngühmühi tha:

ROMRÜ KILIM PAULNÜ ATHRÜTKHI KIHÜM HUHTANYU 5:19

Tümüde mihtsürü khülang mihyumanikhinü ahihdo aneakrü kamshih, junangde mihtsürü khülang mihyuanikhinü ahihdo thiyuro-lungki kamshihbah.

ROMRÜ KILIM PAULNÜ ATHRÜTKHI KIHÜM HUHTANYU 5:21

junangde neaknü ashekhi ching yakzan shuhkhi ruk, isa Atungpuh Jisu Khrista hode mihmüthsümnü lün rhangdung lim thiyuro-lungki yande yakzan shuhbah.

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

ROMRÜ KILIM PAULNÜ ATHRÜTKHI KIHÜM HUHTANYU 8:23

Tüsho thrüna lakhi lang yung, tüshe Me akhuh sangaso isabo, tsührübo kampü, isa pangbo rhokhitpü aleangde alunglimnü ashechoh.

ROMRÜ KILIM PAULNÜ ATHRÜTKHI KIHÜM HUHTANYU 8:9

Atsütsü Thrünpuh Me nüsa kheak lasho, nüsa shih ching müla tüshe me ching lah. Shepü Khrista Me mülanü api yo yung.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 1:24

tüshe jia larü Jihudarü le Greekrü chido kilim Khrista ju Thrünpuh wu tüsho Thrünpuh lümlung.

1 KORINT 12:18

Tüshe kheakü Thrünpuhnü apinü amulongkhi nangde pang ching achamnakbo büthsüthsü zojih.

1 KORINT 12:27

Kheakü nüsa ju Khrista pang ah tüsho mihbüm abannü ju lung shihcham ah.

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

1 KORINT 4:15

Tümüde Khrista ching nüsa aheangrü mükhebinkhi lalashe, nüsa abuh hihde müla. Tümütüsho thiyusheak-atsü hode Jisu Khrista ching I nüsa abuh kamdo.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

2 KORINT 12:2

Kam thürükheak phüyi tsodo, inü mükheahkhi Khrista ching mihtsürü khülang yinmi mahsampü ching bekih–pang bede a shi pang mübenü inü mümükheah, Thrünpuhnü mükheahlah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

GALATIA 1:4

shepünü isa Thrünpuh tüsho Abuh lümkhi yande ha amütsü lün chingnü isa zuzu kamshihpü isa neakbo dünkheak api jihabah;

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

EFISIA 1:10

junangde yinmi ching tüsho alomi kheak lüpdükhi api kheak arihpü kim-khiukkhi lümkhi thsü.

EFISIA 1:14

Me ju api müretah shijihpü isanü lakhit-kukruk muluyi khiungde isa yamrüplurüp ngüpü thiyuchihchim lah.

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

EFISIA 5:26

junangde kenü amüsüh dunglim api yunü anihbe tsangkhitpü thsü,

FILIPI 3:9

tüsho yakzan yande I küdahnü thiyuro-lungki kamkhi yung tüshe Khrista ching akin hode akin kheak ningkihkhi Thrünpuh kilimnü arükhi thiyuro-lungkinü I api kheak ngübah;

KOLOSI 1:14

api hode isa rhokhitkhi, neak bahjihkhi lah.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 9:12

Mihnubo tüsho moshipungbo thiyih hode yung tüshe anihbuh thiyih hode lünnü isa rhokhitpü rüpde khülangkinü lang Amüsüh Dangpung ching yüzah.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

1 JOHAN 5:6

Jisu Khrista ha ke tüsho thiyih hode arükhi lah, ke hodü lang yung; tüshe ke tüsho thiyih hode ah.

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,