1 KORINT 1:28 - AMÜSÜH HÜM CL Bible (BSI)

²⁸ Alominü adungto ah de alümkhi thsümünimpü thsüde alominü khenoa tüsho bahyuka, tüsho tümü mükam de alümkhi Thrünpuhnü mokhit.

1 KORINT 1:28 Iomraidhean Croise

JOB HU H T ANYU 34:24

Apinü mükeokhide sühmüh larübo adütre kamshihchoh, tüsho arü müthri püpürü zochoh.

MUNGSHIKHÜN 32:10

Mihbukmuyuk kilim mulong rozhak ahihdo labah; tüshe shepü Atungpuh kheak kinchonü mihmüthsümnü api mükamdobah.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

ISAIA 41:12

Nünü nü müneahrü yimbah tüshe nünü arü müngü; sherünü nü bede thirithsüchonü tümü mülakhi kambah.

ROMRÜ KILIM PAULNÜ ATHRÜTKHI KIHÜM HUHTANYU 4:17

Ha thrüta lah: “Inü nü trükshih ahihdo abuh kamshihdo.” Api ju asherü kilim rhangdung jihkhi tüsho amülakhi thiyukhüm jih-a lashihkhi kheak kinkhi Thrünpuh miki isa abuh ah.

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

1 KORINT 2:6

Tütüshe lümzorü bolung isanü lümlung yu tha, tüshe ju adükheakbe ha lün yungsho ha lün yakzanshuhrü lümlung yung.

2 KORINT 12:11

I makharü lakheah, tüshe ju nüsanü akamshihkheah. Tümüde nüsanü I shijihpü lakheah; tümütüsho I tümü mükama lalashe harü “adungto amüsüh-thsangyurübo” ki I aninibe yungde alakheah.

YUZÜNGTHALO 28:63

Tüsho Atungpuhnü nüsa lalimlako tsüshihde tüsho wüh bushihde asühkhi nangde, Atungpuhnü nüsa sheshihde tüsho athsümünim hande arüde asühbah; tüsho nüsanü müküh-a lupü lakhi lomi chingnü nüsa rukkhita bahbah.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

AMIKHEAKAKHIUKKHI 18:17

Kimkhü 1 chingnü anihbe lakhit alala thsümünima lah.” Sangkung putungrübo, hantsahrü, sangkung-berübo tüsho keto ching shothsümolorü alala limshude zhip