1 KIUTHSÜYUKHEAN 7:29 - AMÜSÜH HÜM CL Bible (BSI)

²⁹ kheaküshe Manaserü aredung yean, Beth-shan tüsho kiutobo, Taanak tüsho kiutobo, Megiddo tüsho kiutobo, Dor tüsho kiutobo. Harü ching Jakob tsührü Josep tsührübo lakheah.

1 KIUTHSÜYUKHEAN 7:29 Iomraidhean Croise

1 KIULONG THSÜRÜ 4:12

Ahilud tsührü Baana, Taanak, Megiddo, tüsho Jezreel khüp lakhi Zarethan yean Beth-shan alala, tüsho Bethshan chingnü Abelmehola, Jokmeam thripkhüh khiungde;

1 KIULONG THSÜRÜ 9:15

Tüsho kiulongthsüpuhnü thsungkih-a rhimoshihpü thrütde mokhitkhi amütsan ju ha: Atungpuh yam thsüpü, api yam, alo mujung duhlopü, Jirusalem rhü, Hazor, Megiddo, tüsho Gezer.

2 KIULONG THSÜRÜ 23:29

Api nimungbo ching Ijip kiulongthsüpuh Pharao Nekonü Asiria kiulongthsüpuh kilim Euphra ayung ching wutu. Josia kiulongthsüpuhnü api shorupü yü; tüshe küyimki Pharao Nekonü Megiddo ching api shorukhea, apinü anihbuh laksah.

2 KIULONG THSÜRÜ 9:27

Küyimki Juda kiulongthsüpuh Ahazianü ha ngükhea, apinü Beth-haggan lim alihde tso. Jehunü api müshamde tha, “Api she kipang!” Tüsho arünü api Ibleam ching, Gur wutu lim khora-lolungbe chingnü kip. Jushu api Megiddo lim alihde yü tüsho ju ching sheabah.

2 KIUTHSÜYUKHEAN 35:22

Tüshe Josianü api kheaknü rholode mutso tüshe api bede keochihpü anihbuh jak müthria lu. Apinü Thrünpuh yukhüm Neko yubo mani, tüshe Megiddo dükhün ching thirithsüpü arü.

ZEKARIA 12:11

Ju nimung Jirusalem ching tüzhokhi ju Megiddo dükhün ching Hadad-rimmon thsungkheak tüzhokhi ruk tode alabah.

AMIKHEAKAKHIUKKHI 16:16

Tüsho arünü Ibri yu ching Armageddon de ajikhi dangpung ching arübo bemukhung.

MAHKHAPRÜ 5:19

Kiulongthsürübo arübah keochih; Kanan kiulongthsürübonü Megiddo keyean Taanak ching keochih tüshe arünü ayankhikhi kukruk, shotoyinchi tümü mulu.

1 SAMUEL 31:10

Arünü api thsühnuk Astar arüngyam ching yuka zo; tüsho arünü apang ju Beth-shan rhü kheak rhükkih-a zo.