1 KIUTHSÜYUKHEAN 6:31 - AMÜSÜH HÜM CL Bible (BSI)

³¹ Tangzüng sangdan hande arü shu Davidnü Atungpuh yam ching khün thsüpü mokhitrü mihtsürü harü lakheah.

1 KIUTHSÜYUKHEAN 6:31 Iomraidhean Croise

2 SAMUEL 6:17

Arünü Atungpuh sangdan lubah yüzah, tüsho khimyam alunglim Davidnü thsüa zokhi azopung kheak zo; tüsho Davidnü taka kingaün tüsho mungtsü kingaünkhi Atungpuh miki jih.

1 KIULONG THSÜRÜ 8:4

Jumonü arünü Atungpuh sangdan, ashorupung khimyam tüsho amüsüh kukruk alala lubah atu; amükeamrübo tüsho Levirübonü jurübo hanbah atu.

1 KIUTHSÜYUKHEAN 15:1

Davidnü anihbuh thsungkheak David kiuto ching thüyambo thsü, tüsho apinü Thrünpuh sangdan zopung thsakham tüsho ju thsungkheak khimyam khülang thsü.

1 KIUTHSÜYUKHEAN 15:25

Jumonü David le Israel azothsürübo tüsho chithürübo wühkenorübonü Obed-edom yam chingnü Atungpuh tangzüng sangdan shuh-a lupü asühachihde wutu.

1 KIUTHSÜYUKHEAN 15:27

David a shulünkhim athünak atsüdakbe phuyu, sangdan shuhpü Levirü alala, tüsho khün thsürü, khün thobuh Kenania arü she ju ruk yih, tüsho David a khimthünak phuyu;

1 KIUTHSÜYUKHEAN 6:30

atsührü Shimea, atsührü Haggia, tüsho atsührü Asaia.

1 KIUTHSÜYUKHEAN 6:32

Solomonnü Jirusalem ching Atungpuh yam thsükhi khiungde arünü ashorupung khimyam kingaün sadam miki khün thsüde tankih; tüsho arünü mukhungmüdan ju akhinashu thsüde lu.

1 KIUTHSÜYUKHEAN 9:33

Kheakü harübo Levirü jipürü yamkhün ching akubo ha khün thsürübo, püpü tankih-rhimo chingnü chamkhibah arüngyam khiungshakbo ching la, tümüde arübo azhing ayin rhimo ching lakheah.

EZRA 3:10

Küyimki arüngyam thsüpü khimtan thrünmusukhea, amükeamrübonü shulünkhim phuyubah hulipungpung arü khah ching shuhbah wusu tüsho Asaph buhtsüh Levirünü larüp shuhbah kiulongthsüpuh Davidnü amülükhi yande Atungpuh mung shi.

MUNGSHIKHÜN 132:14

“Ha lünnü I sühakhimpung ah; ha ching I labah tümüde inü ha mulongdo.

MUNGSHIKHÜN 132:8

O Atungpuh , asürang tüsho nü sühakhim dangpung lim arang, nü tüsho nü sühmüh sangdan.

EZEKIEL 40:44

Alungbe chipiripit aleanglim alungbe khikzhakpung ching khün thsürü thsungkheak khiungshakbo lakheah, khülang ju düjinglim abinkhi dukulim chipiripit thrip lakheah, püpü ju dukulim abinkhi düjinglim chipiripit thrip lakheah.