1 KIUTHSÜYUKHEAN 5:26 - AMÜSÜH HÜM CL Bible (BSI)

²⁶ Jumonü Israel Thrünpuhnü Asiria kiulongthsüpuh me (Tiglath-pileser) thurumusujih, tüsho apinü Reubenrü, Gadrü, tüsho Manase trük chamkhüh Hala, Habor, Hara, tüsho Gozan ayung ching hande yünü kamruhroro laabahshih.

1 KIUTHSÜYUKHEAN 5:26 Iomraidhean Croise

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

2 KIULONG THSÜRÜ 15:19

Asiria kiulongthsüpuh Pulnü lomi azhihde arü; Menahemnü Pul kilim shotoyinchi khahngak 34,000 jih, junangde apinü anihbuh kiulongthsü wu-sühmüh düküngshihde arungpü thsü.

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 16:7

Ahaznü Asiria kiulongthsüpuh Tiglath-pileser ki yunithsürübo yüshihde tha, “I nü yamlarü tüsho nü tsührü. Atung, tüsho I yanrü Siria kiulongthsüpuh tüsho Israel kiulongthsüpuh khah chingnü khümkhitang.”

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

2 KIULONG THSÜRÜ 18:11

Asiria kiulongthsüpuhnü Israelrü bede yünü Hala ching, Habor kheak, Gozan ayungbo, tüsho Midia kiutobo ching lashih,

2 KIULONG THSÜRÜ 19:12

I buh pürünü athsümünimkhi trükshihbo, Gozan, Haran, Rezeph tüsho Telassar ching lakhi Eden mihtsürübo arü thrünpuhbonü bekhitkhea de?

1 KIUTHSÜYUKHEAN 5:22

Ahihdo laksah, tümütüsho thirithsü ju Thrünpuh lümkhi lakheah. Tüsho ramtsokhi khiungde arübo arü lomi ching la.

1 KIUTHSÜYUKHEAN 5:6

atsührü Beera, shepü Tiglath-pileser Asiria kiulongthsüpuhnü ramtso ching bede ayükhea; api Reubenrü lung akubuh lakheah.

1 KIUTHSÜYUKHEAN 9:1

Jumonü Israel alala tsühsoniuso yukhean yande thrütyuk; tüsho harü Israel kiulongthsürübo hüm ching thrüta lah. Tüsho arü thiyuro mülakhi hode Juda a Babilon ramtso ching hande ayükhea.

2 KIUTHSÜYUKHEAN 28:20

Jumonü Asiria kiulongthsüpuh Tiglath-pilesernü api azhihde arü, tüsho arungpü müthri api junoabah.

2 KIUTHSÜYUKHEAN 30:6

Jumonü yunithsürübo Israel tüsho Juda alala ching, kiulongthsüpuh tüsho atorübo kilimnü kihümbo lubah, kiulongthsüpuh yukhüm yande yü, “O Israel mihtsürübo, Abraham, Isak, tüsho Israel Thrünpuh, Atungpuh kilim rholoang, junangde nüsa Asiria kiulongthsürübo khah chingnü atsokhit-aningkhi kilim apinü arholobah.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

EZRA 1:5

Junangde Juda tüsho Benjamin trük chingnü gukbo aban ching azothsürübo, amükeamrübo, Levirübo tüsho sherü Thrünpuh nü ayüpü mulong athsungkheanü arübo Jirusalem ching arüngyam thsülopü tsahmusu.

ISAIA 37:12

I müngührünü athsümünimkhi trükshihbo, Gozan, Haran, Rezeph, tüsho Telassar ching lakhi Eden mihtsürübo, arü thrünpuhbonü bekhitdo de?

ISAIA 37:18

Tsükjide, O Atungpuh , Asiria kiulongthsüpuhnü trükshih alala tüsho arü lomibo thsümünima yapshihlah,