1 KIUTHSÜYUKHEAN 5:20 - AMÜSÜH HÜM CL Bible (BSI)

²⁰ arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

1 KIUTHSÜYUKHEAN 5:20 Iomraidhean Croise

THRÜNTAN 25:21

Kheakü Isaknü aniube thsungkheak Atungpuh ki mushu, tümütüsho alibe bünkeangberü lakheah; apinü amushukhi Atungpuhnü alojih, tüsho aniube Rebeka mübünkeangde kam.

THRÜNTAN 49:19

Ayanrünü Gad zündobah, tüshe apinü rholobah arü yande amüshambah. @SPACE=

1 KIULONG THSÜRÜ 22:32

Küyimki khora-lolungbe wühkenorübonü Jehoshaphat ngükhea, arünü tha, “Ha tsükjide Israel kiulongthsüpuh ah.” Jumonü arünü api bede keochihpü rholo; tüsho Jehoshaphatnü zhikhit.

1 KIUTHSÜYUKHEAN 5:21

Arübonü arü akam-shiwühbo yankhia lu: kemel 50,000, namfimihnu 250,000, donki 2000, aramrü 100,000.

1 KIUTHSÜYUKHEAN 5:22

Ahihdo laksah, tümütüsho thirithsü ju Thrünpuh lümkhi lakheah. Tüsho ramtsokhi khiungde arübo arü lomi ching la.

2 KIUTHSÜYUKHEAN 13:18

Hanangde ju kim ching Israelrü juyukabah, tüsho Juda mihtsürünü akuk ngü tümütüsho arünü Atungpuh , arü jipürü Thrünpuh kheak düthsün angü.

2 KIUTHSÜYUKHEAN 18:31

Küyimki khora-lolungbe wühkenorübonü Jehoshaphat ngükhea, arünü tha, “Ha Israel kiulongthsüpuh ah.” Jumonü arünü api bede keochihpü rholo; tüsho Jehoshaphatnü zhi, Atungpuhnü api rung. Thrünpuhnü arübo api kheaknü bede tso,

2 KIUTHSÜYUKHEAN 20:12

O isa Thrünpuh, nünü arü kheak mahmükhapba de? Tümüde ha bonungrü boto isa azhihde arükhi kheak isa wu-sühmüh müla. Tümü thsübanü isanü mümükheah, tüshe isa mükbo nü kheak lah.”

2 KIUTHSÜYUKHEAN 26:7

Thrünpuhnü Filistiarü azhihde, Gur-baal ching lakhi Arabrü azhihde, tüsho Meunrü azhihde api rung.

2 KIUTHSÜYUKHEAN 33:13

Apinü api ki tamkhüntamnü, tüsho Thrünpuhnü api tamkhüntamnü leangkhi, apinü mushukhi so, tüsho Jirusalem tüsho anihbuh kiulongthsü kilim api alode yüshih. Judüki Atungpuh ju Thrünpuh ah de Manasenü mükheah.

EZRA 8:23

Jumonü isanü Thrünpuh ki isa kümshihpü khümkeak thsü tüsho tamkhüntamnü, tüsho apinü isa tamkhüntamnübo alojih.

MUNGSHIKHÜN 37:39

Tüshe thiyuro-lungkirü akhümkhit ju Atungpuh kilimnü lah; api ju küpkhuk kim ching arü sühmüh lah.

MUNGSHIKHÜN 37:40

Atungpuhnü arü rungbah tüsho bekhitbah; apinü arübo mihbukmuyuk kheaknü bekhitbah tüsho khümkhitbah, tümütüsho arünü api kheak kin.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 9:10

Tüsho sherünü nü mung mükheahlanü arünü nü kheak kinbah, tümüde, O Atungpuh , nü yimrü nünü mübahyuk.

ABEKHIT 17:11

Junangde Mosanü akhah chungkih-a lachoki Israelrünü kuk; tüsho akhah keamkhichoki Amalekrünü kuk.

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

JEREMIA 39:18

Tümüde tsükjide inü nü khümkhitbah, tüsho nukshang hode nü mükeam; tüshe thirithsü thsambah nangde nü rhangdung labah, tümütüsho nünü I kheak kindo, Atungpuhnü thachoh.

DANIEL 6:23

Judüki kiulongthsüpuhnü khide asüh tüsho kekhüzü-yam chingnü Daniel bekhitpü thiyukhüm jih. Jumonü Daniel ju kekhüzü-yam chingnü bekhit, tüsho api kheak yurikhi tümü müngü, tümütüsho apinü api Thrünpuh kheak kin.

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

EFISIA 1:12

junangde isa akhuhde Khrista kheak kinrü ju api müretah shijihpü thsungkheak labah.

JIHUSUA 10:14

Atungpuhnü mihtsürü khülang düsheak anikhi hadürü nimung küyimkishe dünjia mükheah; tümüde Atungpuhnü Israelrü thsungkheak keochih!

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.

JIHUSUA 23:10

Nüsa khülangnü lang she mihtsürü chithürü alihde tsoshihkhuklah, tümütüsho apinü thiyuchihchimkhi nangde, Atungpuh nüsa Thrünpuhnü nüsa thsung thsüde keochihchoh.

1 SAMUEL 19:15

Judüki Saulnü David kheahpü yunithsürübo yüshih. Apinü tha, “ Api I kilim yapkiu ching bebah atuang, junangde inü api laksahbah.”

1 SAMUEL 7:12

Judüki Samuelnü lung khülang lubah Mizpa tüsho Shen dükeak khim, tüsho ju Ebenezer de ji; tümüde apinü tha, “ Ha khiungde Atungpuhnü isa rungdo.”