1 KIUTHSÜYUKHEAN 5:1 - AMÜSÜH HÜM CL Bible (BSI)

¹ Jakob tsührü adüjibuh Reuben tsührübo. (Api adüjibuh lakheah, tüshe apinü abuh yapkiu müneanjihkhi hode anihbuh azopü yamrüplurüp ju Jakob tsührü Josep tsührübo kilim jih, junangde tsühsoniuso yukhean ching azopü yamrüplurüp ayannü api müthrütyuk;

1 KIUTHSÜYUKHEAN 5:1 Iomraidhean Croise

THRÜNTAN 25:23

Atungpuhnü alibe ki tha, “Nü nuyam ching trükshih mahne lah, tüsho nünü azübekhi mihtsürü mahne müzütbah; khülang ju püpü kheaknü amürangbe labah, azopünü akheambuh tankihbah.”

THRÜNTAN 25:31

Tüshe Jakobnü tha, “Akhuhde nünü I kilim adüjibuh alim yinang.”

THRÜNTAN 29:32

Jumonü Lea mübünkeangde kambah tsührü khülang zübe, tüsho anihbenü api mung Reuben de ji; tümüde alibenü tha, “Atungpuhnü tsükjide I küpkhuk ngüdo. Jumonü kheakü I niubuhnü I muzhobah.”

THRÜNTAN 35:22

Tüsho küyimki ju lomi ching Israel lakheanü, Reubennü abuh hanniube Bilha kilim yü tüsho müyam; tüsho ju dünkheak Israelnü so. Jakob tsührü 12 lakheah:

THRÜNTAN 46:8

Kheakü Jakob tüsho api tsührübo Ijip lim yürü mung harü lakheah: Jakob tsührü adüjibuh Reuben lakheah.

THRÜNTAN 48:5

Tüsho kheakü I Ijip ching nü kilim marüyide Ijip lomi ching nü kilim zübejihkhi tsührü Ephraim tüsho Manase büne I yo ah; Reuben tüsho Simeon nangde, ane I yo thsübah.

1 KIUTHSÜYUKHEAN 2:1

Harü ha Jakob tsührübo: Reuben, Simeon, Levi, Juda, Issakar, Zebulun,

1 KIUTHSÜYUKHEAN 26:10

Merarirü Hosa tsührübo: Shimri adüjibuh (tümüde api adüjibuh yungyung she, abuhnü api adüjibuh kamshih),

ABEKHIT 6:14

Harü ha arü bebuhrü yamkhün ching akubo: Jakob tsührü adüjibuh Reuben tsührübo ju Hanok, Pallu, Hezron, tüsho Karmi; harü ha Reuben buhtsührü ah.

LEVI 18:8

Nü buh niube kheak müzammüram düthsü; junü nü buh mungchih ngüshihbah.

LEVI 20:11

Athrürü shepünü nihbuh abuh niube kheak nungbanü abuh mungchih ngüshihchoh; athrüpü tüsho alibe ane chido dükde asheshihbah. Ane thiyih ju ane kheak kihbah.

WÜHKHE 1:5

mihtsürü harübonü nü rungbah: Reuben chingnü Shedeur tsührü Elizur,

WÜHKHE 16:1

Kheakü Levirü tsührü Kohath kheaknü atrükkhitkhi Izhar tsührü Kora, ju lung Eliab tsührübo Dathan tüsho Abiram tüsho Reuben kheak yo, Peleth tsührü On, arünü mihtsürübo bea lu;

WÜHKHE 26:5

Jakob tsührü adüjibuh Reuben tsühsoniusobo: Hanok kheaknü Hanokrü guk kam; Pallu kheaknü Pallu guk kam;

1 KORINT 5:1

Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

YUZÜNGTHALO 21:17

Tüshe apinü mümuzhokhi niuberü kheak yo tsührü adüjibuh kilim api lakhi shihcham mahne kinü alü jihde mütsanmükhibeah, tümüde api ju anihbuh sühmüh atankih ah; adüjibuh yo alim ju api yo.

YUZÜNGTHALO 27:20

“‘Shepünü nihbuh abuh niuberü kheak müzammürambanü api muthrumünean thsang.’ Tüsho mihtsürü alalanü athabah, “Amen!”

YUZÜNGTHALO 33:17

Api müretahkhi ju akhuh adrekhi moshipung kiphahlah, api juh ju mütüm moshipung kiphahlah; jurünü alomi akheam alala khiungde apinü trükshihbo khubah; Ephraimrü chithürü thürübo tüsho Manaserü chithürübo.” @SP ACE=

KOLOSI 1:15

Api ju amüngübe Thrünpuh mejak, thrüna lakhi alala kheaknü adüjibuh ah;

JIHUSUA 14:6

Judüki mihtsürü khürü Juda trük chingnü Gilgal ching Jihusua kilim arü; tüsho Kenizrü Jephunne tsührü Kalebnü api ki tha, “ Kadesh-barnea ching Atungpuhnü I tüsho nü dünkheak Thrünpuh mihtsürü, Mosa ki tümü thakheanü nünü mükheahlah.