1 KIUTHSÜYUKHEAN 29:9 - AMÜSÜH HÜM CL Bible (BSI)

⁹ Judüki mihtsürübonü asühachih tümütüsho arünü künsahde jih, tümüde arü lümkhi khülangnü Atungpuh kilim akeangnü jih; kiulongthsüpuh David she khitode asüh.

1 KIUTHSÜYUKHEAN 29:9 Iomraidhean Croise

1 KIULONG THSÜRÜ 8:61

Jumonü khihni nangde api yakzanbo tüsho api yukhümbo anide nüsabo Atungpuh isa Thrünpuh kilim shuhmülanga jihang.”

2 KIULONG THSÜRÜ 12:5

amükeamrübonü ajihrü aban kheaknü leangkhishang; tüsho arünü athsülopü yimkhitkhi yihnüpü ching thüyam asuhloshang.”

1 KIUTHSÜYUKHEAN 29:10

Judüki amukhungrü alala mikinü Davidnü Atungpuh mung shi; Davidnü tha: “Nü shijihchoh, O Atungpuh , isa Israel jipürü Thrünpuh, lünnü akheam müla.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

2 KIUTHSÜYUKHEAN 17:16

tüsho api khin Zikri tsührü Amasia, Atungpuh tankihpü thsungkheak shuhmülanga jihrü khülang lung athrungrü thirithsürü 200,000.

2 KIUTHSÜYUKHEAN 24:10

Limberü alala tüsho mihtsürü alalanü asühachih tüsho arü ruk hande arübah shotsüm ching mide yuk.

2 KIUTHSÜYUKHEAN 31:8

Küyimki Hezekia tüsho atorübonü arübah amujungbo ngükhea, arünü A TUN GPU H shijih tüsho api mihtsürü Israel müngühjih.

EZRA 1:6

Arü phünirü alalanü kukruk harü jihde rung: Shoto phühlung, shotolung, tsühyungbebo, püpü shoto kukruk tüsho ju lung arung kingaün hanmukhungkhi she jih.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

ABEKHIT 35:29

Israelrü athrürü tüsho aliberübonü arünü arhimobe Mosa hode thiyukhüm jihkhi thsungkheak amulongrü alalanü mulongkhi kingaün Atungpuh kilim ludarü.

LUKNÜ ATHRÜTKHI THIYUSHEAK-ATSÜ HUHTANYU 15:6

Küyimki thüyam lim arübanü, apinü müyamrübo le yamhingrü jimukhungde arü ki thachoh, ‘I lung asühang, tümüde adükheakkhi namfimihnu inü ngüdo!’

JOHAN 15:11

“I asühkhi nüsa kheak lapü tüsho nüsa asühkhi khiukde alapü thsüde inü harü nüsa ki asukdo.

2 KORINT 8:12

Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah.

2 KORINT 8:3

Tümütüsho arünü athsükhukkhi tüsho ju kihode salade jihdo de inü thiyumütsan thsükhuklah,

FILIPI 4:1

Jumonü inü muzhokhi tüsho lümrhihkhi, I asühkhi tüsho I kuthran, I keoniorü, inü muzhokhi müyamrübo Atungpuh lung düküngde zhipang.

FILIPI 4:10

Nüsanü akheam ching I lümrhihkhi aso kamlokhi Atungpuh lung inü tode asühchoh; nüsanü I thsungkheak lümrhihde lado, tüshe nüsa kim müngüde lado.

MAHKHAPRÜ 5:9

I mulong ju mihtsürü bolung shuhmülanga jihrü Israel yakzanshuhrü lung lah. Atungpuh shiang!