1 KIUTHSÜYUKHEAN 29:6 - AMÜSÜH HÜM CL Bible (BSI)

⁶ Judüki jipürü yamkhün limberübonü mulongkhi jih, junangde Israel trükbo limberübo, chithürübo tüsho chibo wühkenorübo, kiulongthsüpuh rhimo kurungkheak atorübonü she jih.

1 KIUTHSÜYUKHEAN 29:6 Iomraidhean Croise

2 KIULONG THSÜRÜ 12:5

amükeamrübonü ajihrü aban kheaknü leangkhishang; tüsho arünü athsülopü yimkhitkhi yihnüpü ching thüyam asuhloshang.”

1 KIUTHSÜYUKHEAN 27:25

Kiulongthsüpuh rahpung kurungkheak, Adiel tsührü Azmaveth lakheah. Lomi ching, kiutobo ching, kiulongbo ching, tüsho aheangsadam ching zowupung kurungkheak Uzzia tsührü Jonathan lakheah.

1 KIUTHSÜYUKHEAN 28:1

Davidnü Israel torübo alala, trükbo torübo, kiulongthsüpuh tankihpü chamnakkhi torübo, chithürübo tüsho chibo kurungkheak wühkenorübo, lakhit-kukruk alala tüsho kiulongthsüpuh le api tsührübo moshibo atoathüprü, ju lung kiulongthsüpuh yam torübo, athrungrü thirithsürübo, tüsho thirithsürü alala Jirusalem ching bemukhung.

1 KIUTHSÜYUKHEAN 29:5

tüsho kizükidorünü arhimobe rhimobo thsungkheak alala, suna kukrukbo thsungkheak suna tüsho shotoyinchi kukrukbo thsungkheak shotoyinchi. Dale arü zangrü khihni Atungpuh kilim müsühkhitde, shepünü künsahde ajihba?”

2 KIUTHSÜYUKHEAN 35:8

Api yo atorübonü mulongsahde mihtsürübo, amükeamrübo, tüsho Levirü kilim arung jih. Hilkia, Zekaria, tüsho Thrünpuh yam atobuh Jehielnü phungho-thünio kingaün thsungkheak amükeamrübo kilim namfimihnunu le mihnu nunu 2600 tüsho moshi 300 jih.

EZRA 7:16

Babilon kiuthsübo chingnü suna tüsho shotoyinchi thremukhungkhi tüsho Israelrü le amükeamrübonü Jirusalem ching arü Thrünpuh arüngyam thsungkheak mulongde kingaünkhibo she hanang.

2 KORINT 9:7

Mihtsürü abannü mükünmuthsung yungsho arochihde yungde nihbuh mulongnü apungkhikhi jihang, tümüde asühde ajihrü Thrünpuhnü muzhochoh.