1 KIUTHSÜYUKHEAN 29:25 - AMÜSÜH HÜM CL Bible (BSI)

²⁵ Atungpuhnü Israel alala miki Solomon changde shuhkih, tüsho Israel ching api müngüh kiulongthsürü she kheak mülakhi kiulongthsü wüntremüretah api kheak jih.

1 KIUTHSÜYUKHEAN 29:25 Iomraidhean Croise

1 KIULONG THSÜRÜ 1:37

I tungpuh kiulongthsüpuh lung Atungpuh lakhi nangde Api Solomon lung lashang, tüsho api kiulongthsü-binkiu ju I tungpuh kiulongthsüpuh David kiulongthsübinkiu kheaknü atobe lashang.”

1 KIULONG THSÜRÜ 3:12

kheakü inü nü yu yande rhimochoh. Atsütsü inü nü kilim lümlung tüsho mütsankhitpü lümkhi jihchoh; nü müngüh sheshe nü ruk mülakheah tüsho nü ruk sheshe nü dunglim masürü.

1 KIULONG THSÜRÜ 3:13

Nünü amükheangkhi lakhit tüsho nü rhangdung amuyung wüntre lapü she inü nü kilim jihchoh; kiulongthsürü püpürü nü nangde müla.

1 KIUTHSÜYUKHEAN 29:24

Limberü alala, amüzhak thirithsürübo tüsho kiulongthsüpuh David tsührübo alalanü kiulongthsüpuh Solomon ki thiyuronü alapü thiyuchihchim.

2 KIUTHSÜYUKHEAN 1:1

David tsührü Solomonnü api kiulongthsü düküngde kamshih; Atungpuh api Thrünpuh anihbuh lung lakheah tüsho api khide ato kamshih.

2 KIUTHSÜYUKHEAN 1:12

lümlung tüsho mükheahmudu nü kilim jihbah. Kheaküshe inü nü kilim lakhit, alakukruk, wüntrepü nü müngüh tüsho nü dunglim kiulongthsürübo lakhi kheaknü alü jihbah.”

JOB HU H T ANYU 7:17

Nünü api shuhkihpü nü lümkhi api kheak zopü thsüde mihtsürü ha tümü a,

T H S AN GYU T H S AN GR ARÜ 2:9

Junangde I ato kam tüsho Jirusalem ching I müngüh larü alala zhihode kam; kheaküshe I lümlung I kheak lakheah.

YUNIRÜBO RHIMO 19:17

Tüsho Efisia ching larü alala, Jihudarü tüsho Greekrü chidonü ha so; tüsho arü alala trede kam; tüsho Atungpuh Jisu mung wüntrede kam.

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.

JIHUSUA 3:7

Atungpuhnü Jihusua ki tha, “Inü tümü khihre rhimobanü junü Israelrü athrünkhinü nü atorü ah de wüntreshihbah, tüsho inü künangde Mosa lung lakheanü junangde nü lung she lah de arünü amükheahbah.

JIHUSUA 4:14

Ju nimung Atungpuhnü arhimokhi hode Israel mihtsürü miki Jihusua ato kamshih. Mosa kheak wüntre jihkhi nangde api rhangdung amuyung arünü api kheak wüntre jih.