1 KIUTHSÜYUKHEAN 29:23 - AMÜSÜH HÜM CL Bible (BSI)

²³ Jushu, Solomonnü abuh David müthri kiulongthsürü kamde A TUN GPU H kiulongthsü-binkiu kheak bin; apinü akuk ngü, tüsho Israel alalanü api ki mihyuani.

1 KIUTHSÜYUKHEAN 29:23 Iomraidhean Croise

1 KIULONG THSÜRÜ 1:13

Khülang ki kiulongthsüpuh David ki yübah thaang, ‘I tungpuh kiulongthsüpuh, nü tsührü Solomonnü kiulongthsürü thsülobah tüsho api I kiulongthsü-binkiu kheak binbah de nünü mütha de? Dale küde thsah Adonija kiulongthsürü kamkhea?’

1 KIULONG THSÜRÜ 1:30

Atungpuh Israel Thrünpuh tamde inü nü ki thiyuchihchimchoh, ‘Nü tsührü Solomonnü I dunglim kiulongthsübah, tüsho apinü I kiulongthsü-binkiu kheak I müthri binbah,’ inü ha khihni rhimobah.”

1 KIULONG THSÜRÜ 1:35

Nüsanü api yande wutubah. Api arübah tüsho I kiulongthsübinkiu kheak binbah; api I müthri kiulongthsürü thsübah; tümütüsho api Israel tüsho Juda kurungkheak yakzanshuhrü thsüpü inü moyukdo.”

1 KIULONG THSÜRÜ 1:46

Kheaküa Solomon kiulongthsü-binkiu kheak binlah.

1 KIULONG THSÜRÜ 2:12

Jumonü Solomonnü abuh David kiulongthsü-binkiu kheak bin; tüsho api kiulongthsü düküngde kam.

2 KIULONG THSÜRÜ 11:19

Apinü chibo kurung wühkenorübo, mihaheangrü, lim-aheangrü, tüsho lomi mihtsürü alala bea lu; tüsho arünü Atungpuh yam chingnü kiulongthsüpuh bede aki, tüsho limaheangrü ripit limronü kiulongthsüpuh yam lim yü; tüsho apinü kiulongthsü-binkiu kheak bin.

1 KIUTHSÜYUKHEAN 22:11

Kheakü, I tsah-a, Atungpuh nü lung lashang, junangde apinü nü ki thakhi nangde, Atungpuh nü Thrünpuh yam akuk ngüde thsang.

1 KIUTHSÜYUKHEAN 28:5

Tüsho I tsührübo lungnü (tümüde Atungpuhnü I kilim tsührü ahihdo jih) apinü I tsührü Solomon Israel kurungkheak A TUN GPU H kiulongthsü-binkiu kheak binpü mokhit.

1 KIUTHSÜYUKHEAN 29:24

Limberü alala, amüzhak thirithsürübo tüsho kiulongthsüpuh David tsührübo alalanü kiulongthsüpuh Solomon ki thiyuronü alapü thiyuchihchim.

2 KIUTHSÜYUKHEAN 1:1

David tsührü Solomonnü api kiulongthsü düküngde kamshih; Atungpuh api Thrünpuh anihbuh lung lakheah tüsho api khide ato kamshih.

2 KIUTHSÜYUKHEAN 1:8

Solomonnü Thrünpuh ki alo, “Nünü I buh David ki amuzhodakkhi ato huhdo, tüsho api müthri I kiulongthsürü kamshihdo.

2 KIUTHSÜYUKHEAN 23:20

Tüsho apinü chibo kurung wühkenorü, amükeamrü, mihtsürü yakzanshuhrübo, tüsho lomi mihtsürü alala bea lu, tüsho arünü Atungpuh yam chingnü kiulongthsüpuh bede yükibah akube ripit tsahhode kiulongthsüpuh yam lim yü. Arünü kiulongthsüpuh ju kiulongthsü-binkiu kheak binshih.

2 KIUTHSÜYUKHEAN 9:30

Solomonnü Israel alala kurungkheak Jirusalem ching kam yirü kiulongthsü.

2 KIUTHSÜYUKHEAN 9:8

Atungpuh nü Thrünpuh shiang, shepünü nü kheak asüh tüsho Atungpuh nü Thrünpuh thsungkheaknü api kiulongthsü-binkiu kheak kiulongthsürü thsüde binshih. Tümütüsho arü lünnü alashihpü nü Thrünpuhnü Israel muzho, apinü arü kurungkheak kiulongthsürü kamshih, junangde nünü mahkhappü tüsho thiyuro lungki rhimobah.”

MUNGSHIKHÜN 132:11

Atungpuhnü thiyuro ching David ki thiyuchihchim thsü; apinü ju chingnü murholo: “Inü nü tsührü bolungnü khülang nü kiulongthsü-binkiu kheak binshihbah.

MÜCHITMUDU 1:1

David tsührü, Israel kiulongthsüpuh Solomon müchitmudubo:

ROMRÜ KILIM PAULNÜ ATHRÜTKHI KIHÜM HUHTANYU 13:1

Mihtsürü abannü thiyukhümsühmüh khüp laang. Tümütüsho Thrünpuhnü amülüjihkhi kheak hode thiyukhüm-sühmüh püpü müla, tüsho sherü lanü Thrünpuhnü amokhitkhi lah.

YUZÜNGTHALO 34:9

Kheakü Nun tsührü Jihusua lümlung menü mithülamde lakheah, tümüde Mosanü akhah api kheak nimkih; jumonü Israel tsührübonü api yu ani, tüsho Atungpuhnü Mosa ki thiyukhüm jihkhi nangde rhimo.