1 KIUTHSÜYUKHEAN 29:22 - AMÜSÜH HÜM CL Bible (BSI)

²² tüsho ju nimung arünü tode asühachihde Atungpuh miki tsühyung. Arünü mahnepü ching David tsührü Solomon kiulongthsürü kamshih; tüsho arünü Atungpuh miki api yakzanshuhrü tüsho Zadok amükeamrü thsüpü mujude-mokhit.

1 KIUTHSÜYUKHEAN 29:22 Iomraidhean Croise

1 KIULONG THSÜRÜ 1:31

Judüki Bathshebanü alo kheak khukningde kiulongthsüpuh ki akin jih tüsho tha, “I tungpuh kiulongthsüpuh David lünnü laang!”

1 KIULONG THSÜRÜ 1:33

kiulongthsüpuhnü arü ki tha, “Nüsa lung nüsa tungpuh yamlarübo bebah yüang tüsho I yo khoranunu kheak I tsührü Solomon binshihbah api Gihon ching bebah akiang.

1 KIULONG THSÜRÜ 2:35

Api müthri kiulongthsüpuhnü Jehoiada tsührü Benaia ju bonungrü kurungkheak yüzahshih, tüsho kiulongthsüpuhnü Abiathar müthri amükeambuh Zadok yüzahshih.

1 KIUTHSÜYUKHEAN 12:40

Kheaküshe, arü yamhingrü Issakar, Zebulun, tüsho Naphtali chingnü tsühyungbe donki, kemel, khoranunu tüsho moshipungbo kheaknü suhdahkhi tsühyungpü, kurungaso yikhap, kurungaso mukuh, yukhu, müdangke, moshipungbo tüsho namfimihnu hanbah arü, tümütüsho Israel ching asühachihkhi lakheah.

1 KIUTHSÜYUKHEAN 23:1

Küyimki David ashinbuhrü kamkhea tüsho nimungbo suhde alakhea, apinü atsührü Solomon Israel kurungkheak kiulongthsürü kamshih.

2 KIUTHSÜYUKHEAN 7:10

Khinu thüne nimung mukukheak mahsam nipü, Atungpuhnü David tüsho Solomon le api mihtsürü Israel kheak atsü huhkhi hode apinü mihtsürübo asühachihde tüsho me atsü chingnü arü khimyam lim yüshih.

NEHEMIA 8:12

Tüsho mihtsürü alala thüyam lim yübah tsühyungde asühachih tüsho püpürü ki she arü lakhi chamachih, tümüde arü ki khea huhkhi yubo arünü anikhit.

ABEKHIT 18:12

Judüki Mosa akü Jethronü taka kingaünkhi tüsho laksah-a kingaünkhibo Thrünpuh kilim jih. Tüsho Aron lung Israel azothsürü alala Mosa akü lung yikhap tsühpü Thrünpuh miki arü.

ABEKHIT 24:11

Tüshe Israel limberübo kheak apinü akhah müjipkih. Junangde arünü Thrünpuh ngü, tüsho arünü tsühyung.

T H S AN GYU T H S AN GR ARÜ 2:24

Mihtsürübo thsungkheaknü atsühpü tüsho ayungpü, tüsho arü rhimokhi ching asühachihkhi kheak hode tümü atsübe müla. Ha she Thrünpuh khah chingnü ah de inü ngü;

T H S AN GYU T H S AN GR ARÜ 8:15

Jumonü asühde alapü inü thachoh, tümüde mihtsürü thsungkheaknü alomiküp ching atsühpü, ayungpü tüsho asühpü kheaknü tümü atsübe müla, tümüde ha alomiküp ching Thrünpuhnü api jihkhi rhangdung ching ha rhimobah.

T H S AN GYU T H S AN GR ARÜ 9:7

Yüang, asühde nü jim tsühang, tüsho mulong asühde yukhu yungang; tümüde adüsonü nü rhimo Thrünpuhnü leangkhido.

EZEKIEL 46:10

Küyimki arü azahbanü, kiulongthsüpuh ju arü lung azahbah; tüsho küyimki arü wukhiukbanü, api wukhiukbah.

YUZÜNGTHALO 12:7

nüsanü arhimokhi alala ching nüsa le nüsa yambukbonü, Atungpuh nüsa Thrünpuh mikinü atsühbah tüsho asühachihbah, tümütüsho Atungpuh nüsa Thrünpuhnü nüsa müngühjihdo.